Ipan yejuin itlamiyan tonaltin, tinochimej tikixnamikij tlen melak ouijtika. Kemantika kanaj tikmachiliskej ika xok uelis titlaxikoskej. San ika, tla tiknisiuiyaj Jehová, uelis titlaxikoskej maski tikixnamikiskej tlen melak ouijtika (Is 43:2, 4). Tla tejua tikixnamiktika itlaj tlen ouijtika, ¿tlenon mitspaleuis xnisiui Jehová?

Xnotsa Jehová. Tla tikijlia Jehová nochi tlen tikmachilia, yejua mitsyolseuis niman mitsmakas kojtilistli para uelis titlaxikos (Flp 4:6, 7; 1Te 5:17).

Xmosentlali. Aman, más noneki tikchikauas motlaneltok niman timoyolchikauas imiuan tokniuan ipan tlanechikoltin (Heb 10:24, 25). Ijkuak timomachtia tlen tikitaskej ipan tlanechikojli, ijkuak tiauj tlanechikoltin niman ijkuak titlanankilia, tijkauilia ika iespíritu Jehová más mamitspaleui (Ap 2:29).

Xtenojnotsa. Tla timokojtilia nochipa titenojnotsas, mitspaleuis xnemili tlen kuajli. Noijki, más kuajli timouikas iuan Jehová niman imiuan tokniuan pampa ijkuak titenojnotsa, san sekan imiuan titekiti (1Co 3:5-10).

XKITAKAN VIDEO JEHOVÁ MITSPALEUIS, SAKIN XNANKILIKAN YEJUIN:

• ¿Tlenon okipaleui Malu nochipa manemi nisiuj itech Jehová?

  Ken titlanankiliskia

• Ijkon ken Malu, ¿kenon techyolseuiya Salmo 34:18?

  Ken titlanankiliskia

• ¿Kenon techititia tlen ipan onochiuj Malu ika Jehová techmaka “on ueyi poder” ijkuak tikixnamikij tlen ouijtika? (2Co 4:7).

  Ken titlanankiliskia