19-25 de febrero
SALMOS 8-10
Tlakuikajli 2 niman teoyotl | Tlen noijtos ijkuak peuas tlanechikojli (1 min.)
1. “Ah, tejua noTEKO, nikneki nimitsueyiteneuas”
(10 mins.)
Jehová miyek tlen kuajli kichiua topampa (Sl 8:3-6; w21.08 3 párr. 6).
Melak tikuelitaj tikueyichiuaskej Jehová ijkuak tikinnojnotsaj oksekimej itech tlen kualtsin yokichijchiuj (Sl 9:1; w20.05 23 párr. 10).
Noijki tikueyichiuaj Jehová ijkuak ika nochi toyojlo tokuikatiaj niman chikauak tikchiuaj (Sl 9:2; w22.04 7 párr. 13).
XMOTLAJTOLTI: “¿Kenon uelis más nikueyichiuas Jehová?”.
2. Matiktejtemokan tlen tepaleui niman iyantika
(10 mins.)
-
Sl 8:3. ¿Tlenon ouel David ijkuak otlanemili itech tlen toTajtsin yokichijchiuj? (w23.03 19 párr. 14).
-
¿Tlenon más otikuelitak itech tlen onopouj ipan Biblia yejuin semana?
3. Tlen nopoua ipan Biblia
(4 mins.) Sl 10:1-18 (th tlamachtijli 11).
4. Xpeua xtenotsa
(3 mins.) TECHAJCHAN. Akin tiknojnotsa mitsijlia ika xtlaneltoka itech toTajtsin (lmd tlamachtijli 5 punto 4).
5. Oksejpa xteitati
(4 mins.) SAN KANON XTENOJNOTSA. Maski kachtopa omitsijli ika xtlaneltoka itech toTajtsin, kinektika kitas tlen kiteititia ika nemi yakaj akin otlachijchiuj (th tlamachtijli 7).
6. Tlamachtijli
(5 mins.) w21.06 6, 7 párrs. 15-18. Tlajtoua itech: Xpaleui akin tikmachtia makiueyichiua Jehová (th tlamachtijli 10).
Tlakuikajli 10
7. ¿Kenon uelis titenojnotsas ijkon ken nochipa titlajtoua?
(10 mins.) Tlen san sekan tomachtiskej.
Uelis más tikueyichiuaskej Jehová tla mojmostla tikinnojnotsaj oksekimej maski san kanon (Sl 35:28). Kanaj kachtopa uelis techmojtis ijkon titenojnotsaskej. San ika, tla peua titenojnotsaj ijkon ken nochipa titlajtouaj, sakin más kuajli tikchiuaskej, ¡niman yejon melak techyolpaktis!
Xtlali VIDEO Ijkuak titenojnotsas “ika on kuajli tlajtojli yejuan kitemaka yolseuilistli“ . . . tejua xonpeua xtenotsa. Sakin xtetlajtolti:
¿Tlenon mitsmachtia yejuin video itech kenon uelis titenojnotsas maski san kanon?
Xkita seki tlen mitspaleuis xpeua xtenojnotsa:
-
Nochipa ijkuak kanaj tias, xkita kanon tiuelis titenojnotsas niman xchiua. Xtlajtlanili Jehová mamitspaleui niman ijkon tikinnextis akin kipiyaj kuajli inyojlo.
-
Kuajli xtenotsa niman xmajmana inpampa akin tikinnojnotsa. Kuajli xkita tlenon tikijlis niman tlenon kuelitaskia kimatis itech Biblia.
-
Tla tikita ika kuajli, xmaka monúmero niman xtlajtlanili inúmero.
-
Maka xmajmana tla xouel otiknots itech Biblia.
-
Ok xtlanemilijto itech akin otiknojnots. Xtitlanili itlaj tlen onka ipan jw.org, se tlaxelojli noso se tlamachtijli, ijkon tikititis ika timajmana ipampa.
Xyejyeko yejuin: Tla yakaj mitstlajtoltia tlenon otikchiuj itlamiyan semana, xkijli itlaj tlen otiuel itech totlanechikoluan noso xkijli itech tlenon titlajtoua ijkuak titemachtia itech Biblia.
8. Tlen noneki ipan tlanechikojli
(5 mins.)
9. Tlamachtijli itech Biblia iuan tlanechikojli
(30 mins.) bt cap. 6 párrs. 1-8 niman itech tlen tlajtos sección 2.
