26 de febrero–3 de marzo
SALMOS 11-15
Tlakuikajli 139 niman teoyotl | Tlen noijtos ijkuak peuas tlanechikojli (1 min.)
1. Xkonnemili kenon tiyolseujtoskej ipan xochitlalpan tlen toTajtsin techmakas
(10 mins.)
Pampa tlaltikpakchanejkej xkintlakaitaj tlanauatiltin niman kichiuaj tlen kinekij, nochiua miyek tlen xkuajli (Sl 11:2, 3; w06-S 15/5 18 párr. 3).
Kuajli tikmatstokej ika Jehová kipopolos nochi tlen xkuajli (Sl 11:5; w16.07 31 párr. 1).
Tla tiknemiliaj kenon toTajtsin techmakixtis, techpaleuis matikchiakan ika yolseuilistli ijkuak techmakas se xochitlalpan (Sl 13:5, 6; w17.08 7 párr. 15).
XCHIUA YEJUIN: Xpoua Ezequiel 34:25, niman xyejyeko xnemili kenon melak kualtsin tiyolseujtoskej ijkuak ijkon nochiuas (kr-S 236 párr. 16).
2. Matiktejtemokan tlen tepaleui niman iyantika
(10 mins.)
-
Sl 14:1. Ken kijtoua yejuin tlaxelojli, ¿tlenon ueliskia xkuajli tikchiuaskej akin tiktekichiuiliaj toTajtsin? (w13-S 15/9 20 párr. 12).
-
¿Tlenon más otikuelitak itech tlen onopouj ipan Biblia yejuin semana?
3. Tlen nopoua ipan Biblia
(4 mins.) Sl 13:1–14:7 (th tlamachtijli 2).
4. Xpeua xtenotsa
(2 mins.) SAN KANON XTENOJNOTSA. Xkijli mauiya ijkuak noilnamikis imikilis Cristo (lmd tlamachtijli 5 punto 3).
5. Xpeua xtenotsa
(1 min.) TECHAJCHAN. Xkijli mauiya ijkuak noilnamikis imikilis Cristo (lmd tlamachtijli 3 punto 4).
6. Xpeua xtenotsa
(3 mins.) TECHAJCHAN. Yakaj kuajli omitskak niman okiseli se invitación para Conmemoración (lmd tlamachtijli 7 punto 4).
7. Xtemachti
(5 mins.) lff tlamachtijli 13 tlen otiuel, ¿kenon titlanankiliskia?, niman “Xchiua yejuin”. Xtekitilti se tlamachtijli ipan sección “Okseki xkita” niman ijkon uelis tikpaleuis akin tikmachtia makita ika toTajtsin xkuelita tlen kichiuaj religiones tlen xmelajkej (th tlamachtijli 12).
Tlakuikajli 8
8. “Más tlapaleuiya on tlamatkilistli xken on [armas] yejuan kitekitiltiaj ipan guerra”
(10 mins.) Tlen san sekan tomachtiskej.
Jehová kimatstika ika nochi tlen xkuajli panotika niman tlen tikixnamikij uelis kichiuas matiajmankamikikan. Noijki kimatstika ika noneki matechtlajpiyakan. Yejua kikui iTlajtol, Biblia, niman ijkon techtlajpiyas (Sl 12:5-7).
Tlen uajlauj ipan Biblia más kuajli “xken on [armas] yejuan kitekitiltiaj ipan guerra” (Ec 9:18). Xkita kenon tlen kijtouaj yejuin tlaxeloltin techpaleuiya matotlajpiyakan ijkuak itlaj xkuajli panoua.
-
Ec 4:9, 10. Maka moselti xuiya noso xnemi kampa tikitas ika tlatemojtikan.
-
Pr 22:3. Kampa tojlan nouijtilo, nochipa xkitsto tlen panotika moyeualiujyan.
-
Pr 26:17. Maka xmokalakti kampa nokamauisokij tla xtejua mitsnotstokej.
-
Pr 17:14. Tla tikita ika panos itlaj tlen xkuajli kampa tinemi, nimantsin xuiya. Niman maka imiuan xmosentlali akin kinchiuaj marchas noso ontlaixnamikij.
-
Lu 12:15. Maka xchiua itlaj tlen uelis kichiuas mamitsmiktikan san pampa xtikneki mamitskuilikan tlen tikpiya.
Xtlali VIDEO Matikchiuakan ken akin otlaneltokakej. Matikchiuakan ken Enoc, maka ken Lamec. Sakin xtetlajtolti:
¿Kenon okipaleui yejuin tajtli tlen okichiuj Enoc? (Heb 11:5).
Kemantika yakaj akin kichiua ken Cristo nonekis itlaj kichiuas para nomanauis noso kitlajpiyas tlen kipiya. Tla kichiua, noneki kitas kenon xuelis yakaj mikis niman ijkon xkipiyas tlajtlakojli (Sl 51:14, xkita sección “Tlen notlajtoltiaj akin kitaj revistas” itech Amatl Tekakistilijketl de julio de 2017).
9. Ipan sábado 2 de marzo tipeuaskej tikinnotsaskej oksekimej touan mauiyan Conmemoración
(5 mins.) Tlamachtijli tlen kipanoltis se tlayekanketl. Xkijto tlenon yononemili nochiuas ijkuak nopanoltis kualtsin tlamachtijli niman Conmemoración. Xkimilnamikti tenojnotskej ika uelis nochiuaskej precursores auxiliares ipan metstli marzo niman abril, ijkuakon, uelis san kitemakaskej 15 horas.
10. Tlamachtijli itech Biblia iuan tlanechikojli
(30 mins.) bt cap. 6 párrs. 9-17.
