TLEN TEPALUI ITECH ITLAJTO TOTAJTSIN | ISAÍAS 52-57
Cristo otlajyoui topampa
“Tlakamej okipijpinaujtijkej niman xokiselijkej, [...] tejuamej tikitaj ken akin otlajyoui, akin okitlajyouilti toTajtsin niman akin melak onoyolkoko”
53:3-5
-
Jesús okipijpinaujtijkej niman okistlakauijkej ika okijto tlen xkuajli itech toTajtsin. Sekimej kineltokayaj ika toTajtsin kitlajtlakolmakatoya, kentla yejua okuajtitlanili tlajyouilistli noso se kokolistli tlen melak xkuajli.
“Jehová oyolpak ijkuak okipatlacho; [...] niman ipan ima nochi tlen kuelitas Jehová kuajli onkisas”
53:10
-
Jehová melak onoyolkoko ijkuak okitak kenon okimiktijkej iKoneuj. San ika, melak oyolpak pampa okitak ika nochipa oyolmelaujkanen. Satanás yokijtoka ika itekipanojkauan toTajtsin xueliskiaj yolmelaujkanemiskiaj. Imikilis Jesús okiteititi ika yejon xmelak katka, okinpaleui tlaltikpakchanejkej akin noyolkuepaj. Niman yejon otepaleui manochiua tlen toTajtsin kineki, “tlen kuelitas Jehová”.
