TLEN TEPALEUI ITECH ITLAJTOL TOTAJTSIN | ISAÍAS 58-62
Matikteijlikan xiuitl ijkuak ok uelis techselis Jehová
“Xiuitl ijkuak ok uelis [t]echselis Jehová” xkijtosneki se xiuitl ken aman tikixmatij
61:1, 2
-
Kijtosneki ika Jehová kinkauilia tlaltikpakchanejkej akin yolyemankej makinankilikan ijkuak kimijliaj ika xok salijtoskej.
-
Ipan kachtopa siglo, xiuitl ijkuak ok uelis techselis Jehová opeuj ijkuak Jesús opeuj tenojnotsa ipan xiuitl 29, niman otlan ipan “tonajli ijkuak kintlakuepilis” Jehová, ijkuak okipopolojkej Jerusalén ipan xiuitl 70.
-
Ipan yejuin tonaltin, xiuitl ijkuak ok uelis techselis Jehová opeuj ijkuak Jesús okitlalijkej ken Tekiuaj ne iluikak ipan xiuitl 1914 niman ontlamis ijkuak yejkos ueyi tlajyouilistli.
Jehová kiteochiua ikalpan ika “uejueyimej kojtin itech melajkayotl”
61:3, 4
-
Kojtin tlen melak uejkapamej san sekan noskaltiaj kampa tlakojyo, niman ijkon san sekan nopaleuiyaj.
-
Ineluayouan tlen melak ueueyakej san sekan nomamatilouaj niman yejon kinpaleuiya makixikokan ajakakiyaujtin.
-
Kojtin tlen uejkapamej kinpaleuiyaj ika itlaseuijlo kojtin tlen kemach noskaltijtokej, niman inxiujyo tlen uetsi kipaleuiya tlajli.
Ipan nochi tlaltikpaktli, nochimej tokniuan akin nemij ipan tlanechikoltin melak nopaleuiyaj itech “uejueyimej kojtin itech melajkayotl”, kijtosneki, tlapejpeniltin akin ok nemij ipan tlaltikpaktli.
