MATINEMIKAN KEN CRISTO
Matomachtikan melak kuajli matitenojnotsakan: Kuajli xkintekitilti tlajtoltilistin
TLEKA MELAK NONEKI: Tla “tlen kinemilia ipan iyojlo se tlakatl ken uejkatlan atl”, tlajtoltilistin yeskiaj kentla itlaj tlen ika uelis tijkixtiskej (Pr 20:5). Tlajtoltilistin techpaleuiyaj ika noijki matlajtokan akin techkakij. Ijkuak kuajli notlapejpeniaj tlajtoltilistin, techpaleuiyaj matikmatikan kenon tikinpaleuiskej. Jesús melak kuajli okintekitilti tlajtoltilistin. ¿Kenon uelis tikchiuaskej ken yejua?
KENON TIKCHIUASKEJ:
-
Xtlajtolti tlenon kinemilia. Jesús okinchiuili seki tlajtoltilistin inomachtijkauan tlen okipaleui makimati tlenon kinemiliayaj (Mt 16:13-16; be-S pág. 238 párrs. 3-5). ¿Tlenon uelis tiktlajtoltis akin mitskaki niman ijkon tikmatis tlen kinemilia?
-
Xtlajtolti tlen makipaleui kuajli matlanankili. Jesús kinekiya kiyektlalis ken tlanemiliaya Pedro, kuakon okichiuili tlajtoltilistin niman okijli seki tlanankilistin tlen okipaleuijkej Pedro matlanemili ken kinamiki (Mt 17:24-26). ¿Tlenon tlajtoltilistin uelis tikchiuilis akin tikneki tikpaleuis matlanemili ken kinamiki?
-
Xkijli ika kuajli pampa mitsnankilia. Jesús okijli se tlajkuilojketl ipan tlanauatijli ika kuajli katka ken otlanankilijka (Mr 12:34). ¿Tlenon uelis tikijlis akin mitsnankilia tlen tiktlajtoltia?
XKITA VIDEO OK MATIKCHIUAKAN TEKITL TLEN CRISTO OKIPEUALTI: MATITEMACHTIKAN (PARTE 1), SAKIN XKINNANKILIKAN YEJUIN TLAJTOLTILISTIN:
-
Maski tlamachtijli tlen onotemakak kuajli katka, ¿tleka xtepaleui ken onotemakak?
-
¿Tleka xsan kipiya ika tiktetomiliskej tlamachtijli?
XKITA VIDEO (PARTE 2), SAKIN XKINNANKILIKAN YEJUIN TLAJTOLTILISTIN:
-
¿Tleka kuajli ken tokniuj okintekitilti tlajtoltilistin?
-
¿Kenon uelis okseki tikchiuaskej ijkon ken tokniuj otlamachti?
¿Tlenon nonekiskia makimachilikan akin tikinmachtiaj? (Lu 24:32).