Maka tiuetsiskej nion maka tikchiuaskej yakaj mauetsi
Jesús okintekitilti neskayomej tlen ika otemachti ika melak xkuajli tijkauiliskej ika itlaj makichiua matiuetsikan noso tikchiuaskej ika oksekimej mauetsikan.
-
Tlajtojli uetsi kijtosneki ijkuak itlaj kichiua ika yakaj mauetsi ipan tlen xkuajli, maauilnemi noso matlajtlako.
-
Kuajli yeskia ika se tlaltikpakchane manopilouili ipan ikechtlan imetl molino niman maonotlajkali ijtik mar maka ken kichiuas ika yakaj mauetsi.
Imetl molino
-
Jesús okimijli inomachtijkauan ika tla nonekiskia manokixtilikan itlaj tlen melak tlasojti, ken inma noso imixtololo, tla yejon kichiuaskia matlajtlakokan.
-
Tla tikpolouaj itlaj itech totlalnakayo tlen tiktlasojkaitaj niman ijkon tikalakiskej ipan iTekiuajyo toTajtsin, melak kuajli xijkon ken tikyejyekoskej xtikpoloskej niman tontlamiskej ipan Gehena noso kampa popoliuis tonemilis.
¿Tlenon uelis kichiuas maniuetsi? ¿Kenon uelis nikmapeuas tlen kichiuas maniuetsi noso mauetsikan oksekimej?