MATINEMIKAN KEN CRISTO
Matitlaxikojtokan aman ika titlamachixtokej
¿Kech xiuitl yotiuejkauj tikchiatika matlayekana iTekiuajyo toTajtsin? ¿Tikpiya ijyouilistli niman titlaxikoua maski tikixnamiki tlen ouijtika? (Ro 8:25, TNM). Sekimej tokniuan kintlauelitaj, kintlajyouiltiaj, kintsakuaj ipan cárcel noso kimijliaj ika kinmiktiskej. Oksekimej tlajyouiyaj pampa melak kualoj noso pampa youeuentsintiakej.
¿Tlenon techpaleuis matitlamachixtokan niman matitlaxikojtokan? Noneki mojmostla tikchikauaskej totlaneltokil. Yejuin uelis tikchiuaskej tla tikpouaj Biblia niman tla itech titlanemiliaj. Noneki matitlanemilikan ipan tlen tikchiaj ika tlayekapan (2Co 4:16-18, TNM; Heb 12:2, TNM). Kipiya ika tiktlajtlaniliskej Jehová matechmaka kojtilistli itechkopa iespíritu santo (Lu 11:10, 13; Heb 5:7). ToTajtsin akin melak techtlasojtla techpaleuis matitlaxikokan “ikan miyek ijyouilistli niman pakilistli” (Col 1:11).
XKITAKAN VIDEO NONEKI TOTLALOSKEJ IKA TLAXIKOUILISTLI: MATIKNELTOKAKAN IKA TIKSELISKEJ TLEN TIKCHIAJ, SAKIN XKINNANKILIKAN YEJUIN TLAJTOLTILISTIN:
-
¿Tlenon ueliskia topan nochiuas maski xtikchiaj? (Ec 9:11, 12).
-
¿Kenon techpaleuiya teoyotl matikxikokan tlen topan nochiua?
-
Tla aman xok tiuelij tiktekichiuiliaj Jehová ken yeuejkaui, ¿tleka noneki matitlanemilikan itech tlen kema ueli tikchiuaj?
-
Xtlanemili itech tlen tikselis ika tlayekapan.
¿Tlenon mitspaleuiya tejua xneltoka ika tikselis tlen toTajtsin kineki mitsmakas?
