TLEKA MELAK NONEKI: Tlaltikpakchanejkej uelis makisaskej tla kinotsaj Jehová ika itoka (Ro 10:13, 14, TNM). San ika, xnochimej akin nomachtijtokej Biblia kinekij kichiuaskej tlen Jehová technauatia. Yejua ika, tla tejuamej tiknekij kuajli tijkuiskej totiempo, noneki tikintejtemoskej akin yemelak kinekij nopatlaskej niman kiyolpaktiskej Jehová. Tla se akin tikmachtijtokej xnopatla maski melak youejkauj tikmachtijtokej, kuajli yes tla tijkajkauaj tikmachtiaj. Más kuajli yes tla tikinpaleuiyaj akin Jehová kinnotsa makinisiuikan niman manonisiuikan itech ikalpan (Jn 6:44). Niman, tla sakin akin otikmachtijkaj kiteititia ika kineki kipiyas “nemilistli tlen xkeman tlamis”, uelis oksejpa tikmachtiskej (Hch 13:48, TNM).

KENON TIKCHIUASKEJ:

• Xkijli ika kuajli kichiua pampa kinektika nomachtis tlen melauak temachtia Biblia (1Ti 2:4).

• Kuajli xkijli ika melak noneki makichiua tlen yonomachti (Lu 6:46-49).

• Iuan xkita tlen okijto Jesús itech se tokaketl niman xyolchikaua makita tlenon kitsakuilia kichiuas tlen nomachtia (Mt 13:18-23).

• Kualtsin xkijli tleka xok tikonmachtis.

• Xkijli ika kemantika tikonnotsas noso tikontlajpalos niman ika uelis oksejpa tikmachtis tla kichiuas tlen nomachtis.

XKITAKAN VIDEO NIMAN SAKIN XKINNANKILIKAN YEJUIN TLAJTOLTILISTIN:

• Ijkuak tokniuj iuan ononojnots akin kimachtia, ¿kenon ones ika akin kimachtijtoya xkichiujtoya tlen nomachtijtoya?

• ¿Kenon tokniuj okipaleui akin kimachtiaya makasikamati ika nonekiya nopatlas?

• ¿Kenon tokniuj okasikamachilti akin kimachtijtoya ika sakin oksejpa ueliskiaj nomachtiskiaj?