Ijkuak tikitaj se kualtsin xochitsintli, miyekej sitlalimej noso kenon kualtsin uajtoyajtikaj atl ipan tepetl, ¿titlanemiliaj itech toTajtsin akin nochi okichijchiuj? Tlen onka toyeualiyan techpaleuiya matikasikamatikan kenon ueyixtika toTajtsin (Ro 1:20). Ijkuak kuajli titlanemiliaj itech tlen tikitaj, ueli tikasikamatij ika toTajtsin kojtik, tetlasojtlani, tlamachilise, melajki niman ika kuelita kitemakas (Sl 104:24).

Itech nochi tlen okichijchiuj Jehová, ¿tejua tlenon tikita mojmostla? Maski tla tichanti ipan se ueyikalpan, ueli tikimita totomej noso kojtin. Tla kuajli tikitaj tlen toTajtsin yokichijchiuj, techpaleuis maka sajnoye matajmanakan, kuajli matitlanemilikan niman más matikneltokakan ika yejua nochipa techtlajpiyas (Mt 6:25-32). Tla tejua tikinpiya mokoneuan, xkinpaleui makitakan kenon Jehová ueyixtika. Kema, tikmachiliskej ika más tiknisiuiyaj Jehová tla tejuamej más tiktlasojkamatij nochi tlen yokichijchiuj (Sl 8:3, 4).

XKITAKAN VIDEO TLEN YOKICHIJCHIUJ TOTAJTSIN KITEITITIA IUEYILIS: TLAUIJLI NIMAN TLAPALTIN, SAKIN XKINNANKILIKAN YEJUIN TLAJTOLTILISTIN:

• ¿Tleka tikitaj miyek tlapaltin?

• ¿Tleka onka tlapaltin tlen pepetlakaj?

• ¿Tleka nopatla tlapajli tlen kipiya iluikak?

• Kampa tejua tichanti, ¿katlejua kualtsitsintin tlapaltin yotikimitak?

• ¿Tleka noneki kuajli matikitakan tlen yokichijchiuj toTajtsin?