Miyekej tokniuan yokitakej ika melak yokinpaleui tlen uajlauj kampa kijtoua “Kenon peuas titenojnotsas”. San ika, sekimej tokniuan xijkon inpan panoua. Ika yejon, ijkuak yejuamej ontenojnotsaj, achijtsin kipatlaj tlen ompa uajlauj noso kijtouaj itlaj tlen kema kinyoltilana akin kinnojnotsaj. San ika, matikilnamikikan ika seki metstin, tokniuan techijliaj ika más chikauak titenojnotsaskej. Ijkuakon, kema noneki tikchiuaskej ijkon ken uajnestiuj ipan yejon sección. ¿Tleka? Pampa tiknekij tiktlakamatiskej Jesús kampa okijto: “Yejuin kuajli tlajtoltin itech Tekiuajyotl notenojnotsas ipan nochi tlaltikpaktli” (Mt 24:14, TNM).

Ijkuak se tokniuj kipanoltis se tlamachtijli noneki kitekitiltis tlen uajlauj kampa kijtoua “Kenon peuas titenojnotsas”. San ika, tla tokniuj kita ika tlen ompa uajnestiuj xmás tepaleuis kampa tenojnotsa, uelis kipatlas tlen tetlajtoltis, texto tlen kitepouilis noso ken tenojnotsas. Yejuin kipatla tlen onoijtojka ipan Tlen tomachtiskej niman tlen notekitiltis de junio de 2020, página 8.