Itinemij itlamiyan tonaltin, ika yejon, melak noneki matiktekitiltikan tokojtilis niman totiempo para tiktekichiuiliskej toTajtsin (1Co 9:26; Ef 5:15, 16). Ijkuak timomachtis iuan mochanejkauan, uelis nenkitaskej tlenon uelis nenkichiuaskej desde septiembre de 2022 hasta agosto de 2023. Ipan yejuin amatlajkuilojli, tikinnextis seki tlamachtiltin kampa kijtouaj kenon uelis más tiktekichiuilis Jehová. Xnotsa Jehová niman xtlajtlanili mamitspaleui xkita tlenon uelis tikchiuas (Snt 1:5).

¿Uelis nenkipaleuiskej se nemochanejkauj manochiua precursor regular? Tla kema, kuakon xpaleuikan. Niman tla tejua timomojtia niman tiknemilia ika xuelis tikaxiltis mohoras, xtlajto iuan se precursor akin tikitas ika uelis mitspaleuis (Pr 15:22). Ijkuak timomachtis imiuan mochanejkauan, xnotsa se precursor niman xtlajtolti kenon kichiuilia. Sakin, xkijkuilo katlejua tonaltin uelis titenojnotsas. Niman tla tejua tiprecursor katka, oksejpa xmochiua. Kanaj aman kema uelis tikaxiltis mohoras.

¿Uelis se mochanejkauj nochiuas precursor auxiliar se metstli noso más? Tla kema, kuakon xpaleuikan. Tla tejua itiueuentsin noso tikualo, uelis mojmostla san se achijtsin titenojnotsas. Niman tla tejua titekiti noso timomachtia, xkita katlejua metstli mitsmakaskej vacaciones noso xkita katlejua metstli kuajkui más sábados noso domingos, niman ijkuakon xmochiua precursor. Ipan se calendario xtlapalyoti katlejua metstli tikneki timochiuas precursor auxiliar niman xkijkuilo tlen tonajli titenojnotsas (Pr 21:5).

XKITAKAN VIDEO XMOYOLCHIKAUAKAN, PRECURSORES, SAKIN XNANKILIKAN YEJUIN:

• ¿Kenon Jehová okipaleui tokniuj Aamand? ¿Tlenon techmachtia yejuin?