Tejuamej yotikijtokej ika tokojtiliskej tiktekichiuiliskej Jehová niman tikyolpaktiskej. Melak kuajli tla ijkon tikchiuaj pampa techpaleuiya matikchikauakan totlaneltok (1Ti 4:15). ¿Tleka noneki titlanemiliskej itech tlen yotikijtokej tikchiuaskej? Pampa nochi nopatlatiuj. Kanaj xok uelis tikchiuaskej itlaj tlen yotikijtokaj. Noso kanaj yotikchiujkej itlaj tlen yotikijtojkaj tikchiuaskej niman uelis tikchiuaskej itlaj okse.

Melak kuajli tla tiknemiliaj tlenon tikchiuaskej achto peuas metstli septiembre. ¿Yonenkinemilijkej nentlajtoskej itech yejuin ijkuak nenkueyichiuaskej toTajtsin ken familia? Kanaj nenkuelitaskiaj nentlajtoskej itech kenon más nenkitekichiuiliskej toTajtsin nemoselti niman ken familia.

¿Tlenon ueliskia tikchiuas para más tiktekichiuilis Jehová itech tlen sakin noteneua, niman tlenon mitspaleuis ijkon xchiua?