MATINEMIKAN KEN CRISTO
Chikauak tekitij para techpaleuiskej
Tlayekankej ipan circuito niman insiuauan melak nokojtiliaj techpaleuiskej, niman ijkon kichiuaj pampa techtlasojtlaj. Yejuamej noijki panouaj ken tejuamej. Kemantika melak siauij, najmanaj noso noyolkokouaj (Snt 5:17). San ika, cada semana kontlajpalouaj se tlanechikojli niman kitaj kenon kinyolchikauaskej tokniuan. Ika yejon, tlayekankej ipan circuito noneki “más ma kintlakaitakan” (1Ti 5:17).
Ijkuak apóstol Pablo okinemili kontlajpalos tlanechikojli tlen onkatka Roma para kinmakas tokniuan “itlaj tlatiochiualistli yejuan kisa itech on Espíritu Santo”, kinekiya kinyolchikauas niman yejuamej noijki makiyolchikauakan (Ro 1:11, 12). ¿Kemantika yotiknemilijka kenon tikyolchikauas tokniuj tlayekanketl ipan circuito noso isiuauj?
XKITAKAN VIDEO INEMILIS SE TLAYEKANKETL IPAN CIRCUITO IPAN UEJKA KALPAMEJ, SAKIN XNANKILIKAN YEJUIN:
-
¿Tlenon kichiuaj tlayekankej ipan circuito niman insiuauan pampa kintlasojtlaj tokniuan?
-
¿Tejua kenon yomitspaleuijkej?
-
¿Tlenon uelis tikchiuaskej para tikinyolchikauaskej?
