TLEN TEPALEUI ITECH ITLAJTOL TOTAJTSIN | SALMOS 34-37
Xtlaneltoka itech Jehová niman xchiua tlen kuajli
“Maka xkinnexikolita akin kichiuaj tlen xkuajli”
37:1, 2
-
Maka xkauili ika tlemach tlen aman kipiyaj xkuakualtin tlakamej, makichiua maka kuajli xtekichiuili toTajtsin. San xtlanemili itech tlen tikneki tikonajsis niman tlateochiualistin tlen tikpiya.
“Xtlaneltoka itech Jehová niman xchiua tlen kuajli”
37:3
-
Xneltoka ika Jehová mitstlajpiyas ijkuak xtikmatis tlenon tikchiuas noso melak timajmanas. Yejua mitspaleuis xyolmelaujkanemi.
-
Nochipa xtenojnotstia itech kuajli tlajtoltin itech iTekiuajyo toTajtsin.
“Xnechti kualtsin yolpakilistli itech Jehová”
37:4
-
Xkita kemanon tikpouas iTlajtol toTajtsin niman titlanemilis itech uan ijkon melak xkixmati Jehová.
“Xtlali moojui itech Jehová”
37:5, 6
-
Kuajli xmatsto ika Jehová mitspaleuis xkixnamiki san tlen tlauejli tikpiyas.
-
Kuajli xmoteititi ijkuak mitstlajtolchijchiuiliskej, xmitstseliskej ipampa motlaneltokil noso mitstlaueltotokaskej.
“Maka xnauati ixpan Jehová niman xchia ika yolpakilistli itechkopa”
37:7-9
-
Maka nimantsin xchiua itlaj pampa uelis kichiuas maka xyolpaki niman maka sa xmouika iuan Jehová.
“Akin yolyemankej nemiskej ipan tlaltikpaktli”
37:10, 11
-
Maka nimantsin xkualani niman xyolyemanki, niman ika nochi moyojlo xneltoka ika Jehová mitsmakixtis itech nochi tlen tikixnamiki.
-
Xkinpaleui tokniuan niman xkinyolseui akin najmanaj ijkuak tikinnojnotsas itech yenkuik tlaltikpaktli tlen yokijto toTajtsin techmakas niman tlen sa nisiuj uajlauj.
ITekiuajyo toTajtsin kuajkuis miyek tlateochiualistin
