TLEKA MELAK NONEKI. Ijkuak san toselti tomachtiaj iTlajtol toTajtsin, tikasikamatij kenon “sanoyej patlauak, niman ueyak, niman uejkatlan, niman tlakpak” tlen melauak (Ef 3:18). Noijki techpaleuiya maka matikchiuakan tlen xkuajli nochiua ipan yejuin tlaltikpaktli, niman matikpiyakan “kuajli tlajtojli yejuan kitemaka nemilistli” (Flp 2:15, 16). Ijkuak san toselti tomachtiaj iTlajtol toTajtsin, noijki techpaleuiya matiktlapejpenikan tlamachtiltin tlen uelis techpaleuis ijkuak tikixnamiktokej itlaj tlen ouijtika. ¿Tlenon okseki uelis tikchiuaskej niman ijkon kuajli tijkuiskej totiempo ijkuak tikpouaj niman tomachtiaj Biblia?

KENON TIKCHIUASKEJ:

• Matikintlapalyotikan seki tlaxeloltin niman matikijkuilokan tlen uelis techpaleuis ipan toBiblia tlen tiktekitiltiaj ijkuak tomachtiaj. Yejuin uelis tikchiuaskej ipan se amatl, ipan tocelular, ipan totableta noso itlaj okse.

• Ijkuak titlaamapouaskej matotlajtoltikan yejuin: “akinon”, “tlenon”, “kanon”, “kemanon”, “kenon” niman “tleka” niman matikinnankilikan.

• Matikitakan tlenon yemelak opanok. Uelis tikchiuaskej tla tijkuij nochi tlen tikpiyaj niman ijkon tiktejtemoskej tlen tiknekij tikmatiskej itech se tlamachtijli noso seki tlaxeloltin.

• Matitlanemilikan ipan tlen tikpouaj niman ijkon tikitaskej kenon techpaleuis tlen tikpoujtokej.

• Matikchiuakan tlen tiuelij (Lu 6:47, 48).

XKITAKAN VIDEO SAN MOSELTI TIMOMACHTIS MITSPALEUIS MAKA XKAUA ITLAJTOL TOTAJTSIN, SAKIN XNANKILIKAN YEJUIN:

• ¿Kenon kitaj oksekimej ika melak noneki se manomachti san iselti?

• ¿Tleka noneki tikchiuaskej teoyotl ijkuak tipeuaskej tomachtiskej?

• ¿Tlenon uelis techpaleuis kuajli matikasikamatikan se itlaxelol Biblia?

• ¿Kenon uelis tiktlapalyotijtiaskej toBiblia tlen tiktekitiltiaj ijkuak tomachtiaj?

• ¿Tleka melak noneki matitlanemilikan ijkuak tomachtiaj iTlajtol toTajtsin?

• ¿Tlenon noneki tikchiuaskej ika tlen tiuelij?