Yolmelaujki Job kijtoua tlen melak kajmana
Maski Job yokipolojka nochi tlemach tlen kipiaya, yomijkaj ichanejkauan niman melak kualotoya, xokikauj toTajtsin. Kuakon, Satanás okiyejyeko maka mayolmelaujkanemi ika okseki ajmantin. Okitakoj yeyimej akin kijtouayaj iuan nouikayaj niman nesiya ika najmanayaj ipampa Job, san ika, chikome tonajli iuan notlalijtoyaj niman xtlaj kijliayaj, xkiyolseuiayaj. Sakin okijlikej tlajtoltin tlen melak teyolkokojkej.
Job oyolmelaujkanen maski okixnamik melak xkuakualtin tlatlatalistin
-
Pampa Job melak otlajyoui, opeuj xkuajli tlanemilia. Se neskayotl, okinemili ika toTajtsin xkajmana tla yejua yolmelaujkanemi noso ka.
-
Pampa melak najmantoya, xokinemili ika tlen kixnamiktoyaj ualeujtoya itech yakaj okse.
-
Maski Job melak najmantoya, okimijli akin kijlitoyaj tlen xkuajli ika melak kitlasojtlaya Jehová.