XMOMACHTI MELAK KUAJLI XTENOJNOTSA
Matomachtikan melak kuajli matitenojnotsakan: xyektlali ken uelis tikintetekiuiltis revistas
TLEKA MELAK NONEKI: Maski ken tikintetekiuiltiskej amatlajkuiloltin tlen uajnestiuej ipan Tlen Tomachtiskej melak tepaleuijkej, san techititia kenon uelis tikchiuaskej. Uelis tikijtos ika motlajtoluan. Kanaj uelis tipeuas titlajtos itech tlamachtijli sejneka noso tlamantik, noso tiktekitiltis okse tlamachtijli tlen kinekij kikakiskej kampa titenojnotsa. Tla ijkon panoua, kachtopa xpoua revista, xkita nikan kenon tikintetekiuiltiskej niman xkimita videos; sakin xchiua ken nikan nesi niman xkijkuilo tlen tejua uelis tiktekitiltis ijkuak tontenojnotsas.
KENON TIKCHIUASKEJ:
¿Tiktetekiuiltis ken nikan uajnestiuj?
KEMA
-
Xyektlali tlenon tikijtos tla yotiktlajpalo tlaltikpakchane niman xkijli tleka otikitato. (Neskayotl: “Onimitsitako pampa...”).
-
Xnemili itech tlen tiktlajtoltis, itech tlaxelojli pitentsin tlen tikpouilis, niman sakin itech kenon tikmakas se amatlajkuilojli. (Se neskayotl, tla tikneki tikpouilis se tlaxelojli pitentsin, uelis tikijtos: “Xkita tlenon kijtoua Biblia”).
KA
-
Xtlapejpeni se tlamachtijli itech revistas tlen makuelitakan niman makinekikan kimatiskej tlaltikpakchanejkej kampa titenojnotsa.
-
Xnemili tlenon tiktlajtoltis niman ijkon yejua mamitsnankili, ijkon tikchiuas ika noijki matlajto, san ika, xkita kuajli manomachili. (Neskayotl: Xtekitilti tlajtoltilistli tlen uajlauj ipan página 2 itech revistas).
-
Xtlapejpeni se tlaxelojli pitentsin niman xpoua. (Itech ¡Despertad!, tejua uelis tiktlapejpenis tlaxelojli, pampa yejuin revista onoyektlali inpampa tlaltikpakchanejkej akin xmiyek kimatij itech Biblia noso xkineltokaj itech tlaneltokijli).
-
Ika achijtsin tlajtoltin xyektlali kenon tiktomilis tlaltikpakchane kenon kipaleuis tla kipoua tlamachtijli.
MASKI TLA XIJKON TIKCHIUAS
-
Xnemili se tlajtoltilistli tlen uelis tiknankilis ijkuak timokuepas tikontlajpalos.
-
Xkijkuilo tlen mitspaleuis tikmatis tlenon tikijtos ijkuak timokuepas tikontlajpalos.
