Nochi xiujtin miyekej tikinnotsaj touan makilnamikikan imikilis Cristo maski kanaj nion xtikimixmatij. San ika, noijki kipiya ika tikinnotsaskej akin tikimixmatij. Sekimej más kinekij yaskej tla kinnotsa yakaj akin ikixmatij (yb08-S 11 párr. 3; 14 párr. 1). ¿Akinomej ueliskia tikinnotsaskej?

• Tochanejkauan.

• Akin imiuan tomachtiaj noso titekitij.

• Tovecinos.

• Akin kemach opeuj tikintlajpalouaj, akin tikinmachtiaj noso akin yeuejkaui otikiminmachtijkaj.

Noijki, tlayekankej kiminnotsaskej akin xok touan tenojnotsaj. ¿Niman tlenon uelis tikchiuas tla tikneki tiknotsas se mochanejkauj akin uejka chanti? Kachtopa, xkita kanon niman tlen hora noilnamikis imikilis Cristo kampa yejua nisiuj chanti. Tla tikneki tikmatis yejuin, xuiya kampa TOTECHKOPA ipan jw.org niman xpachouili kampa kijtoua “Imikilis Jesucristo”. Aman ika xiyejko yejon tonajli tlen melak tikchiaj, xnemili akinomej uelis tikinnotsas niman xkinnotsa.