Jehová kineki matiktekichiuilikan pampa tiktlasojtlaj (Mt 22:37, 38). Tla akin tikinmachtiaj Biblia kitlasojtlaj Jehová, kipatlaskej innemilis, kixikoskej tlen kixnamikiskej niman yejon kinpaleuis manoapolaktikan (1Jn 5:3).

Xkinpaleui akin tikinmachtia makasikamatikan ika Jehová kintlasojtla. Xkintlajtolti: “¿Tlenon mitsmachtia yejuin itech toTajtsin?” noso “¿Kenon mitsititia yejuin ika Jehová mitstlasojtla?”. Xkinpaleui makitakan kenon Jehová kinpaleuijtika (2Cr 16:9). Xkimijli kenon Jehová yokinnankili moteoyouan niman xkinpaleui makitakan kenon Jehová yokinnankili inteoyouan. ¡Melak tiyolpakis ijkuak tikitas ika Jehová niman akin tikinmachtia kuajli nouikaj niman notlasojtlaj!

XKITAKAN VIDEO MATIKINPALEUIKAN AKIN TIKINMACHTIAJ MANOUIKAKAN IUAN JEHOVÁ, SAKIN XNANKILIKAN YEJUIN:

• ¿Tlenon okixnamik Coral?

• ¿Kenon okipaleui Rita?

• ¿Tlenon okichiuj Coral para kixikos tlen kixnamiktoya?