Tla akin tikinmachtiaj kinekij kuajli nouikaskej iuan Jehová, noneki kikajkauaskej nochi tlen xkuajli kichiuaj (1Pe 1:14-16). Tla ijkon kichiuaj, kanaj kuajli nemiskej imiuan inchanejkauan, xok kualoskej niman kuajli kitekitiltiskej intomin.

Xkinmelajkaijli akin tikinmachtia tlenon techtlajtlanilia Jehová, tleka techtlajtlanilia niman kenon techpaleuis tla tiktlakamatij. Xkinpaleui makipatlakan ken tlanemiliaj niman sakin tikitas kenon kichiuaj tlen ueltiuej (Ef 4:22-24). Xkimijli ika Jehová nochipa kinpaleuis makikajkauakan itlaj tlen xkuajli kichiujtokej (Flp 4:13). Xkimijli ika melak noneki nimantsin makinotsakan Jehová ijkuak kimachiliskej ika kinekij tlajtlakoskej. Xkinpaleui makitakan tlenon ueliskia kichiuas mauetsikan ipan tlajtlakojli niman xkinpaleui manokojtilikan makichiuakan tlen kuajli. Tejua melak tiyolpakis ijkuak tikitas kenon Jehová kinpaleuiya akin tikinmachtia manopatlakan.

XKITAKAN VIDEO MATIKINPALEUIKAN AKIN TIKINMACHTIAJ MAKIKAJKAUAKAN NOCHI TLEN JEHOVÁ KITLAUELITA, SAKIN XNANKILIKAN YEJUIN:

• ¿Tlenon okichiujkej tlayekankej niman Rita ijkuak Coral okimijli ika kikuiya marihuana?

• ¿Kenon Rita okipaleui Coral?

• ¿Tlenon okichiuj Coral para Jehová makipaleui?