Tikinpiyaj naui videos tlen uelis tikinkuiskej ijkuak titemachtiskej. ¿Kenon techpaleuiyaj yejuin videos niman kenon uelis tikinkuiskej ijkuak titenojnotsaskej?

• ¿Tleka noneki timomachtis Biblia? (nochi video). Yejuin video onochijchiuj para nochimej tlaltikpakchanejkej makinekikan nomachtiskej Biblia maski san katlejua religión makipiyakan. Ipan yejuin video kimijliaj makitejtemokan ipan Biblia tlen kemantika tinochimej totlajtoltiaj niman kiteneua itlaj tlen kiteititia ika Biblia kijtoua tlen melauak. Ijkuak iontlamis video kijtoua kenon uelis kitlajtlaniskej makinmachtikan.

• ¿Tleka noneki timomachtis Biblia? (san achijtsin). Yejuin video onokixti itech video ¿Tleka noneki timomachtis Biblia? (nochi video), san ika, xuejkaui. Yejuin uelis tijkuiskej ijkuak tlaltikpakchanejkej xmás kipiyaskej tiempo.

• ¿Kenon nochiua se tlamachtijli itech Biblia? Yejuin video onochijchiuj para tlaltikpakchanejkej makinekikan touan nomachtiskej Biblia. Ompa kijtoua kenon uelis kitlajtlaniskej makinmachtikan niman kinnankilia seki tlen ueliskia notlajtoltiskej.

• ¡Melak kuajli ika yotipeuj timomachtia Biblia! Yejuin video tikimititiaj tlaltikpakchanejkej akin touan inomachtiaj Biblia. Yejuin video noteneua ipan libro ¡Nochipa uelis tiyolpakis! página 2, san ika, noijki uelis tikimititis akin tikinmachtijtika ipan folleto. Video kiteneua tlen kipiya libro niman noijki kijtoua kenon nemomachtiskej yejon libro.

Ken tikitaj, yejuin naui videos kipiyaj kemanon tikteititiskej. San ika, tla tikitaj ika yakaj uelis kipaleuis, uelis tikititiskej noso tikontitlaniliskej. Tinochimej melak kuajli matikimitakan yejuin videos niman ijkon tikmatiskej kemanon uelis tikinteititiskej ijkuak tontenojnotsaskej.