Ijkuak Jesús otenojnots, okiteneuj itlaj tlen panotoya ipan yejon tonaltin (Lu 13:1-5). Tla tikneki kuajli mamitskakikan ijkuak titenojnotsas, noijki uelis tikijtos itlaj tlen aman panotika. Uelis tikijtos kenon melak yotlapatiouak, kenon yotlaixpoliuj, kenon miyekej noixnamikij, kenon miyekej pokij noso itlaj okse. Sakin uelis tiktlajtoltis: “¿Tiknemilia ika kemantika xok ijkon nochiuas?” noso “¿Tlenon uelis techpaleuis...?”. Sakin uelis tikpouilis se texto. Tla kuajli mitskaki, xkititi se video noso xmaka se amatlajkuilojli tlen onka ipan Tlen ika titemachtiaj. Matajsikan ipan inyojlo akin tikinnojnotsaj niman ijkon kimatiskej tlen Jehová kichiuas (1Co 9:22, 23).

¿Itech tlenon uelis titlajtos kampa tejua titenojnotsa?