TLEN TEPALEUI ITECH ITLAJTOL TOTAJTSIN | PROVERBIOS 12-16
Tlamachilistli melak kuajli xijkon ken oro
¿Tleka melak tlasojti tlamachilistli tlen ualeua itech toTajtsin? Pampa akin kipiyaj kintlajpiya itech xkuajli ojtli niman ijkon maka makipolokan innemilis. Kinpaleuiya kuajli matlanemilikan, makijtokan niman makichiuakan tlen kuajli.
Tlamachilistli techtlajpiya maka matoueyimatikan
16:18, 19
-
Akin tlamachilise kuajli kasikamati ika itech Jehová Ualeua nochi tlamachilistli.
-
Akin kuajli onkisaj ipan innemilis noso kiseliaj miyek tekitl noneki melak notlajpiyaskej niman ijkon xnoueyimatiskej.
Tlamachilistli techpaleuiya matikijtokan tlen kuajli
16:21-24
-
Akin tlamachilise kuajli tlanemilia, kitejtemoua tlen kuajli itech oksekimej niman kuajli tlajtoua intech.
-
Akin tlamachilise xtechikaujkanotsa nion xtekualania, itlajtoluan tsopelikej ken neujtli niman tetlaneltokiltia.
