Iteixpantijkauan Jehová ueli tikchiuaj itlaj tlen melak kualtsin. Pampa yotosentemakakej niman yotoapolaktijkej ueli kuajli touikaj iuan toueyiTajtsin Jehová. Ueli tonisiuiyaj itech toTajtsin ipampa iKonetsin (Jn 6:44). Niman yejua techkaki ijkuak tiknotsaj (Sl 34:15).

¿Kenon uelis nochipa touikaskej iuan toTajtsin? Maka matikchiuakan ken israelitas akin okichiujkej tlen xkuajli. Maski kemach yokijlikaj Jehová ika nochipa kiueyichiuaskiaj, yejuamej okichijchiujkej se uakaxkonetl de oro niman okiueyichiujkej (Éx 32:7, 8; 1Co 10:7, 11, 14). Matotlajtoltikan: “¿Tlenon nikchiua ijkuak nikchiuasneki itlaj tlen xkuajli? ¿Nikteititia ika nikpatiojkaita ika ninouika iuan Jehová?”. Tla melak tiktlasojtlaj toTajtsin iluikakchane, xtikchiuaskej tlen yejua xkuelita (Sl 97:10).

XKITAKAN VIDEO XKITITI JEHOVÁ IKA MELAK TIKTLASOJTLA (COL 3:5), SAKIN XNANKILIKAN YEJUIN:

• ¿Tlenon kichiua yakaj akin nochi kinoyaxkatisneki?

• ¿Tleka xkipiya ika nochi toyaxkatisnekiskej niman noijki xtikueyichiuaskej itlaj?

• ¿Tleka ijkuak tikueyichiuas itlaj san noijki ken ijkuak tiauilnemis?

• ¿Tleka melak noneki ika akin kipiya se tekitl ipan tlanechikojli maka makilkaua kimakas ixnamik tlen kipoloua?