MATINEMIKAN KEN CRISTO
Matomachtikan melak kuajli matitenojnotsakan: xkinnotsa mauiyan tlanechikojli akin kinekij kimatiskej okseki
TLEKA MELAK NONEKI: Ipan tlanechikoltin ueli tikuitlaliliaj Jehová niman tikueyichiuaj nochi semanas (Sl 149:1). Noijki tiuelij kenon tikchiuaskej tlen kineki (Sl 143:10). Akin kinekij kimatiskej okseki niman akin kinmachtijtokej Biblia melak nimantsin noskaltia intlaneltokil ijkuak peuaj yauej ipan tlanechikoltin.
KENON TIKCHIUASKEJ:
-
Nimantsin xkijli mauiya tlanechikojli. Xnonekis tikchias ijkuak tikmakas se tlamachtijli itech Biblia (Ap [Rev] 22:17).
-
Xtomili akin kineki kimatis okseki kenon nopanoltiaj totlanechikoluan niman xkijli itech tlenon tlajtos okse totlanechikol. Melak mitspaleuiskej yejuin: tenotsalistin itech tlanechikoltin, video tlen itoka ¿Tlenon nochiua kampa tosentlaliaj? niman tlamachtiltin 5 niman 7 itech amatlajkuilojli Tlen kineki Jehová.
-
Xpaleui. Se neskayotl, ¿nonekis tikonanas noso nonekis tikpaleuis makitlapejpeni kenon notlakentis? Ipan tlanechikoltin, iuan xmotlali niman iuan xkitstiuj amatlajkuiloltin. Xkimijli oksekimej tokniuan akinon yejua.