Yejuin noviembre, tokojtiliskej nochimej tikimijliskej ika sa achijtsin poliui para tinemiskej ipan se kualtsin tlaltikpaktli (Sl 37:10, 11; Ap 21:3-5). ¿Uelis tikxeloskej tiempo niman ijkon chikauak titenojnotsaskej yejuin metstli? Akin tlapaleuiskej ken precursores auxiliares ipan yejuin metstli uelis kitemakaskej san 30 noso 50 horas.

Xtejtemo se texto kampa matlajto itech yenkuik tlaltikpaktli, niman nochimej xkinamapouili. Ijkuak tiktlapejpenis yejon texto, xnemili tlenon kuelitaj kikakiskej akin tikinnojnotsas. Tla kuajli mitskakij, xtemaka Amatl Tekakistilijketl número 2 del 2021. Noijki, oksejpa nimantsin xkonnotsa noso xkitati niman, tla ueli, xpeua xmachti ika amatlajkuilojli ¡Nochipa uelis tiyolpakis! ¡Melak tiyolpakij pampa nochimej tikimijliaj “tlen kuajli”! (Is 52:7).

XKITA VIDEO IKA TLATSOTSONAJLI LA VIDA DE VERDAD, SAKIN XNANKILIKAN YEJUIN:

• ¿Itech tlenon tlanemilijtika on ichpokatsin akin uajnesi ipan video?

• ¿Tlenon sa tiknektika tikitas ipan yenkuik tlaltikpaktli?

• ¿Tleka tla titlanemilia itech yenkuik tlaltikpaktli mitspaleuis chikauak xtenojnotsa ipan noviembre? (Lu 6:45).