¿Uelis tikinnankilis yejuin tlajtoltilistin? Yejuin onokixtijkej itech revistas Amatl Tekakistilijketl tlen okiskej ipan 2019.

¿Tlenon kijtosneki ijkuak Jehová okijto: “Nochi tlen ika mitsixnamikiskej, xkuajli onkisas”? (Is. 54:17, TNM).

Uelis tikneltokaskej ika Jehová techpaleuis intech akin xkuajkualtin (Is. 25:4, 5). Totlauelikniuan xnochipa techtlajyouiltijtoskej (w19.01, páginas 6, 7).

¿Kenon ones imelajkayo Jehová ijkuak okintlajtlakolmakak cananeos niman israelitas akin xtetlakamatiyaj?

ToTajtsin okintlajtlakolmakak akin auilnemiyaj niman noijki akin xkintlakaitayaj siuamej niman kokonej. Okinteochiuj akin okitlakamatkej niman akin okichiujkej tlen melajki (w19.02, páginas 22, 23).

¿Tlenon tikchiuaskej tla se akin xiTeixpantijkauj Jehová kichiua se teoyotl niman tejuamej ompa tinemij?

Uelis xitlaj tikijtoskej niman tikteititiskej ika titetlakaitaj, san ika, xtikijtoskej “amén” nion xtikchiuaskej tlen oksekimej kichiuaj. Kanaj uelis tikchiuaskej se teoyotl san ipan toyojlo (w19.03, página 31).

¿Tleka melak xkuajli tlen kichiuaj akin kinnajnauiltiaj kokonej?

Akin tenajnauiltiaj melak xkuajli tlen kinchiuiliaj kokonej niman tlanechikojli. Akin tenajnauiltiaj xkintlakamatstokej tekiuajkej niman tlajtlakouaj ixpan Jehová. Tla tlayekankej chantij kampa tlanauatiltin kijtouaj ika noneki makiteixpantikan akin noijtoua ika yokinajnauilti se konetl, yejuamej tetlakamatij (w19.05, páginas 9, 10).

¿Kenon tikpatlaskej noso tikyektlaliskej toyojlo niman totlamachilis?

Noneki tikchiuaskej yejuin yeyi tlemach: tiknotsaskej Jehová ika teoyotl, titlanemiliskej itech kenon tikpiyaj tonemilis niman kuajli tikintlapejpeniskej toamigos (w19.06, página 11).

¿Tlenon uelis tikchiujtoskej aman niman ijkon titlaxikoskej ijkuak techtlaueltokaskej?

Noneki más kuajli touikaskej iuan Jehová, tikneltokaskej ika yejua techtlasojtla niman ika xkeman techkauas, mojmostla tikamapouaskej Biblia niman nochipa tikchiuaskej teoyotl. Noneki kuajli tikneltokaskej ika nochiuas tlen toTajtsin yokijto itech iTekiuajyo. Melak techpaleuis tla tikintsontekontlaliaj tlaxeloltin tlen tikinuelitaj niman tlakuikaltin tlen ika tikueyichiuaj Jehová (w19.07, páginas 2-4).

¿Kenon uelis tikinpaleuiskej tochanejkauan mamakisakan?

Melak noneki matikinmasikamatikan, matikchiuakan tlen kuajli, matikimijyouikan niman kuajli matikinnotsakan (w19.08, páginas 15-17).

Ipan Mateo 11:28, Jesús okijto ika techyolseuiya, san ika ¿kenon kichiua?

Akin techyekanaj niman akin imiuan titekitij melak kuajli inyojlo, noijki, totekiyo melak ueyi kijtosneki (w19.09, página 23).

¿Kenon toTajtsin techpaleuiya matiknekikan matikchiuakan tlen yejua kineki niman kenon techmaka kojtilistli? (Filip. 2:13).

Ijkuak tikpouaj iTlajtol toTajtsin niman itech titlanemiliaj, toTajtsin techmaka kojtilistli niman ijkon matiknekikan tikchiuaskej tlen yejua kineki. Iespíritu santo uelis kichiuas melak kuajli matikchiuakan itlaj (w19.10, página 21).

¿Tlenon noneki tikchiuaskej achto itlaj tiktlapejpeniskej?

Onka makuijli tlemach tlen noneki tikchiuaskej: kuajli tomachtiskej, tiktlajtlaniliskej toTajtsin tlamachilistli, tikasikamatiskej tleka tiknekij itlaj tikchiuaskej, tikchiuaskej tlen techpaleuis niman tikitaskej tla melauak uelis tikchiuaskej (w19.11, páginas 27-29).

Ijkuak Satanás okijli Eva ika xmikiskia, ¿kijlitoya ika kipiyaskia se alma tlen xuelis mikis?

Nesi ika ka. Satanás xokasikamachilti tla kipiyaskia se alma tlen xueliskia mikis, yejua kuajli okimelajkaijli Eva ika yemelak xmikiskia. Tikmatstokej ika ijkuak opanok Apachiuilistli, opopoliuj nochi tlaneltokijli tlen xmelauak. Nesi ika opeuj noneltoka ika tikpiyaj se alma tlen xueli miki achto ika toTajtsin kinxexeloskia tlaltikpakchanejkej akin kichijchiujtoyaj se torre ne Babel (w19.12, página 15).