Maka xkauili mapopoliui motlasojtlalis
“Niman ika sanoyej miyekiyas on tlen xkuajli, miyekej xok kipiaskej tetlajsojtlalistli” (MATEO 24:12).
TLAKUIKALTIN 60 NIMAN 135
1, 2. a) ¿Akinomej kachtopa inpan onochiuj itlajtoluan Jesús tlen uajnestiuej ipan Mateo 24:12? b) ¿Kenon amoxtli Hechos teititia ika akin kachtopa okichiujkej ken Cristo okipixkej ueyi intlasojtlalis? (Xkita tlaixkopinajli kampa peua tlen tomachtijtokej).
IJKUAK Jesús nemiya ipan tlaltikpaktli, okitetomili kenon yeskia ijkuak itlamis tlajtlamach ken nochiua ipan tlaltikpaktli. Se neskayotl, yejua okijto: “Miyekej xok kipiaskej tetlajsojtlalistli intech oksekimej” (Mateo 24:3, TNM, 12). Judíos ipan kachtopa siglo kijtouayaj ika yejuamej katkaj ikalpan toTajtsin. San ika, xok kipiayaj tlasojtlalistli itech toTajtsin.
2 San ika, miyekej akin kichiuayaj ken Cristo ipan yejon tonaltin xkichiuayaj ken oksekimej. Yejuamej chikauak “tenojnotsayaj” itech Jesucristo, kitlasojtlayaj toTajtsin, akin imiuan tlaneltokayaj niman akin ok xkixmatiyaj tlen melauak. Yejuamej kipiayaj ueyi intlasojtlalis (Hechos 2:44-47; 5:42). Teyolkoko tikijtoskej ika nemiyaj sekimej akin kichiuayaj ken Cristo akin xok kipiayaj intlasojtlalis. ¿Kenon tikmatij yejuin?
3. ¿Tlenon okichiuj ika sekimej akin kichiuayaj ken Cristo xok kipiayaj intlasojtlalis?
Revelación 2:4). Kanaj ijkon opanok pampa akin chanejkej Éfeso niman kichiuayaj ken Cristo opeuj tlanemiliaj ken tlaltikpakchanejkej akin chantiyaj inyeualiyan akin san kinajmanaya tlen yejuamej kinekiyaj (Efesios 2:2, 3). Éfeso katka se ueyikalpan kampa tlaltikpakchanejkej san kinajmanaya kuajli nemiskej niman ika miyek tomin. Noijki miyekej akin chantiyaj Éfeso melak auilnemiyaj niman xkitlakaitayaj itlanauatiluan toTajtsin. Yejuamej san kinajmanaya tlen yejuamej kinekiyaj niman xkitlasojtlayaj toTajtsin nion oksekimej.
3 Akin kachtopa kichiuayaj ken Cristo niman chantiyaj Éfeso Jesús okimijli: “Xok ti[te]tlajsojtla ken achtoj oti[te]tlajsojtlak” (4. a) ¿Kenon xok onka tlasojtlalistli ipan yejuin tonajli? b) ¿Itech tlenon yeyi noneki tikueyiliskej totlasojtlalis?
4 Tlen Jesús okijto ika tlasojtlalistli xok oniaskia noijki nochiua ipan yejuin tonajli. Tlaltikpakchanejkej ipan yejuin tonajli xok kipiyaj tlasojtlalistli itech toTajtsin. Yejuamej xkitejtemouaj toTajtsin makinpaleui ijkuak kiyektlaliskej intlaueluan, yejuamej kitejtemouaj makinpaleuikan seki organizaciones tlen kipiyaj tlakamej. Intlasojtlalis popoliujtiuj. Hasta itekipanojkauan Jehová uelis xok kipiyaskej intlasojtlalis, ijkon ken ipan onochiuj tlanechikojli tlen onkatka yeuejkaui ipan Éfeso. Ika yejon, matikitakan yexkan kampa noneki matikueyilikan totlasojtlalis: 1) totlasojtlalis itech Jehová, 2) totlasojtlalis itech tlen melauak itech Biblia, niman 3) totlasojtlalis itech tokniuan.
TOTLASOJTLALIS ITECH JEHOVÁ
5. ¿Tleka noneki tiktlasojtlaskej toTajtsin?
5 ¿Akinon noneki kachtopa tiktlasojtlaskej? Jesús okijto: “‘Xtlajsojtla on moTeko Dios ikan nochi moyojlo, ikan nochi moalma niman ikan nochi motlamachilis’. Yejua in yejua más ueyixtikaj niman yejua yekatstikaj de nochimej on tlanauatiltin” (Mateo 22:37, 38). Totlasojtlalis itech Jehová techpaleuiya matikintlakamatikan itlanauatiluan, matitlaxikokan niman matiktlauelitakan tlen xkuajli (xpoua Salmo 97:10). * San ika, Satanás niman nochi tlen kiyekana kiyejyekouaj kipopoloskej totlasojtlalis itech toTajtsin.
6. ¿Tlenon panoua ijkuak tlaltikpakchanejkej kipolouaj intlasojtlalis itech toTajtsin?
6 Tlaltikpakchanejkej xkitaj tlasojtlalistli ken noneki. Miyekej “tsotsokamej” noso san yejuamej notlasojtlaj, niman xkitlasojtlaj toTajtsin (2 Timoteo 3:2). Yejuamej san tlanemiliaj itech “xkuajli eleuilistli yejuan tonakayo kipia, niman on tlen xkuajli yejuan tikixpakaitaj, niman nochi on tlajtlamach tlen tikpiaj yejuan kichiua para yejua ika ma titoueyimatikan” (1 Juan 2:16). Pablo, itlatitlankauj Cristo, okimelajkaijto tlenon uelis panos tla kachtopa tikchiuaj tlen tejuamej tiknekij: “Tla tikomatstikaj on tlajtlamach yejuan motlalnakayo kineki, sa no yejua mitsmiktis”. ¿Tleka? Pampa akin kichiuaj yejon nochiuaj itlauelikniuan toTajtsin (Romanos 8:6, 7). Tlaltikpakchanejkej akin san tlanemiliaj itech kenon kipiyaskej tomin noso auilnemiskej ontlamij ika miyek ajmantli (1 Corintios 6:18; 1 Timoteo 6:9, 10).
7. ¿Tlenon tlanemililtin uelis techijtlakoskej ipan yejuin tonajli?
7 Ipan yejuin tonajli, miyekej akin xtlaneltokaj itech toTajtsin, akin kinemiliaj ika xuelis tikasikamatis nochi niman akin tlaneltokaj ipan evolución kiyejyekouaj kintlaneltokiltiskej oksekimej ika maka makitlasojtlakan toTajtsin noso hasta maka makineltokakan ika nemi. Yejuamej kichiuaj manesi ika san se akin xtlamachilise noso akin xoyaj kaltlamachtijli uelis kineltokas ika nemi Akin otlachijchiuj. Noijki, Romanos 1:25). Hasta se akin kichiua ken Cristo uelis kijtlakos yejuin tlanemililtin tla nokauilia. Ken nouika iuan Jehová uelis yemanias, niman uelis xok kipiyas itlasojtlalis itech yejua (Hebreos 3:12).
miyekej kintlakaitaj ixtlamatkej niman xkitlakaitaj toTajtsin Akin okichijchiuj nochi (8. a) ¿Tlenon uelis kichiuas makipolokan inyolchikaualis itekipanojkauan Jehová? b) ¿Kenon uelis techyolchikauas Salmo 136?
8 Pampa tinemij kampa Satanás tlayekana, onka miyek tlen kemantika uelis kichiuas matikpolokan toyolchikaualis (1 Juan 5:19). San ika, tla tijkauiliaj mapopoliui toyolchikaualis, xok tikpiyaskej totlaneltokil niman totlasojtlalis itech toTajtsin. Se neskayotl, kanaj tikixnamikij tlen ouijtika pampa itiueuentsitsintin, tikpiyaj kokolistli noso xtikpiyaj tomin. Noso kanaj melak tajmanaj pampa xtiuelij kuajli tikchiuaj seki tlemach ken tejuamej tiknekiskiaj. Kanaj yotechyolkoko itlaj tlen opanok ipan tonemilis tlen xtikchiayaj. Maski san tlenon topan manochiua, xkeman noneki tiknemiliskej ika Jehová yotechtlalkaui. Xtlanemili itech kualtsin tlajtoltin tlen tiknextiaj ipan Salmo 136:23: “Yejua otechilnamik ijkuak toyolkokouayaj, pampa itlasojtlalis nochipa onias”. Kuajli tikmatstoskej ika Jehová techkaki ijkuak tiktlajtlaniliaj matechpaleui niman technankilia (Salmo 116:1; 136:24-26).
9. ¿Tlenon okipaleui Pablo maka makipolo itlasojtlalis itech toTajtsin?
9 Pablo, itlatitlankauj Cristo, katka se itekipanojkauj toTajtsin akin melak tlanemiliaya itech kenon Jehová yokipaleuijka, niman yejuin okipaleui maka makipolo itlasojtlalis. Yejua okijkuilo: “[Jehová] yejua nechpaleuijtikaj. Yejua ika xnikmakajsis on tlen uelis nechchiuilis yakaj tlakatl” (Hebreos 13:6). Itlaneltokil Pablo itech Jehová okipaleui makixiko tlen okixnamik ipan inemilis. Maski Pablo okixnamik tlen ouijtika, yejua xkeman okipolo itlaneltokil itech Jehová. Hasta ijkuak tsauktoya, yejua okinpaleui tokniuan pampa okintitlanili amatlajkuiloltin tlen ika kinyolchikauas (Efesios 4:1; Filipenses 1:7; Filemón 1). Maski san tlenon okixnamik Pablo, nochipa okipix ueyi itlasojtlalis itech Jehová. Yejua tlaneltokaya ika “Dios techyoltlalia ipan nochi on tlin techpajsoloua” (2 Corintios 1:3, 4). ¿Uelis noijki tikchiuaskej ijkon ken Pablo?
Xteititi motlasojtlalis itech Jehová. (Xkita párrafo 10).
10. ¿Kenon uelis nochipa tikpiyaskej ueyi totlasojtlalis itech Jehová?
1 Tesalonicenses 5:17; Romanos 12:12). ¿Tleka teoyotl technisiuiya itech toTajtsin? Pampa ijkuak tikchiuiliaj teoyotl, tonotsaj iuan Jehová. Yejuin techpaleuiya kuajli iuan matouikakan (Salmo 86:3). Ijkuak tikijliaj toTajtsin itech tlen yemelak tiknemiliaj niman tlen tikmachiliaj, tonisiuiyaj itech (Salmo 65:2). Noijki, totlasojtlalis itech Jehová ueyiya ijkuak tikitaj kenon kinankilia toteoyouan. Tejuamej titlaneltokaj ika “Jehová nisiuj nemi itech nochimej akin kinotsaj” (Salmo 145:18). Tikneltokaskej ika Jehová techtlasojtla niman techpaleuiya kichiuas matiuelikan tikixnamikiskej maski san tlenon tlauejli aman niman ika tlayekapan.
10 Pablo okijto kenon uelis tikpiyaskej ueyi totlasojtlalis ijkuak okijkuilo: “Nochipa xchiuakan oración”. Sakin noijki okijkuilo: “Ma ka keman xkajkauakan ika nenkichiuaj oración” (TOTLASOJTLALIS ITECH TLEN MELAUAK ITECH BIBLIA
11, 12. ¿Kenon uelis tikueyiliskej totlasojtlalis itech tlen melauak itech Biblia?
11 Akin tikchiuaj ken Cristo tiktlasojtlaj tlen melauak. Niman tlen melauak tiknextiaj ipan iTlajtol toTajtsin. Jesús okijli iTaj: “Motlajtol yejua tlen melauak” (Juan 17:17). Ika yejon, noneki tikmatiskej tlenon kijtoua Biblia tla tiknekij tiktlasojtlaskej tlen melauak (Colosenses 1:10). San ika, xsan yejon noneki tikchiuaskej. Xkita kenon tlajkuilojketl itech Salmo 119 techpaleuiya matikasikamatikan tlenon noijki noneki tikchiuaskej (xpoua Salmo 119:97-100). * Ipan nochi tonajli noneki titlanemiliskej itech tlen tikpouaj ipan Biblia. Ijkuak peua titlanemiliaj kenon techpaleuiya tikchiuaskej ipan tonemilis tlen melauak itech Biblia, peuas melak ueyiyas totlasojtlalis.
12 Salmista noijki okijto: “¡Melak tsopelik nikmachilia motlajtoluan, xijkon ken neuktli ipan nokamak!” (Salmo 119:103). Amatlajkuiloltin tlen kisaj itech Biblia tlen ikalpan toTajtsin techmaka yeskia kentla tlakuajli tlen melak uelik. Ijkuak tlakuajli tikueliliaj, tiknekij yolik tijkuaskej pampa techyolpaktia. Noijki ijkon, tiknekij tikxeloskej tiempo ika tomachtiskej. Kuakon melak techyolpaktis “tlajtoltin tlen teyolpaktiaj” itech tlen melauak, niman xouijtika tikilnamikiskej tlen tikpouaj niman uelis ika tikinpaleuiskej oksekimej (Eclesiastés 12:10).
13. ¿Tlenon okipaleui Jeremías makitlasojtla itlajtoluan toTajtsin, niman kenon okipaleui yejon?
13 Teotlajtoketl Jeremías kitlasojtlaya itlajtoluan toTajtsin. Yejua okijto: “Motlajtoluan ononextijkej, niman onikinkuaj; niman motlajtol melak nechpaktia niman kipaktia noyojlo, pampa motoka notech yonotokayoti, toTajtsin Jehová akin kinyekana akin tlaixnamikij” (Jeremías 15:16). Jeremías melak tlanemiliaya niman kitlasojtlaya itlajtol toTajtsin. Yejua noijki okitlasojkaitak ika ueliya kiteixpantis Jehová niman kiteijlis itlajtol. Tla tejuamej tiktlasojtlaj tlen melauak itech Biblia, tikasikamatiskej ika se tlateochiualistli tiyeskej iteixpantijkauan Jehová niman noijki titenojnotsaskej itech Tekiuajyotl ipan sa itlamiyan tonaltin.
Xteititi motlasojtlalis itech tlen melauak itech Biblia. (Xkita párrafo 14).
14. ¿Tlenon okse uelis tikchiuaskej niman ijkon melak tiktlasojtlaskej tlen melauak itech Biblia?
14 ¿Tlenon okse uelis techpaleuis niman ijkon melak tiktlasojtlaskej tlen melauak itech Biblia? Noneki nochipa tiaskej ipan tlanechikoltin, kampa techmachtia Jehová. Nochi semanas tomachtiaj Biblia ika Amatl Tekakistilijketl, niman itech nochi yejuin se tlen melak notekitiltiaj ika tomachtiaj. Tla tiknekij kuajli topaleuiskej Amatl Tekakistilijketl pampa onka ika miyek tlajtoltin ipan jw.org niman ipan aplicación JW Library. Seki formatos electrónicos techpaleuiyaj nimantsin matikinnextikan textos itech Biblia tlen ompa uajlauej. San ika, maski san kenon tomachtiskej, kipiya ika kuajli tikpouaskej textos itech Biblia niman melak intech matitlanemilikan. Tla ijkon tikchiuaj, totlasojtlalis itech tlen melauak itech Biblia ueyiyas (xpoua Salmo 1:2). *
itech yejuin tlanechikojli, noneki kachtopa kuajli toyektlaliskej. Se neskayotl, matikintejtemokan nochi textos tlen ompa uajnestiuej. Ipan yejuin tonajli, miyekej xouijtika kipouaskej noso kitemoltiskejTOTLASOJTLALIS ITECH TOKNIUAN
15, 16. a) Itech tlen kijtoua Juan 13:34, 35, ¿tlenon otechnauati Jesús matikchiuakan? b) ¿Kenon totlasojtlalis itech toTajtsin niman itech Biblia san sekan yauj iuan totlasojtlalis itech tokniuan?
15 Ipan yeuajli ijkuak sa achijtsin poliuiya ika Jesús mikis, okimijli inomachtijkauan: “Nemechmaka yejua in yenkuik tlanauatijli: xmotlajsojtlakan semej iuan oksekimej. Ijkon ken nejua nemechtlajsojtla, nemejuamej no ijki xmotlajsojtlakan semej iuan oksekimej. Tla nemotlajsojtlaj semej iuan oksekimej, nochi tlakatl kitas ika nennotemachtijkauan” (Juan 13:34, 35).
16 Totlasojtlalis itech tokniuan san sekan yauj iuan totlasojtlalis itech Jehová. Tla xtiktlasojtlaj toTajtsin, xuelis tikintlasojtlaskej tokniuan. Niman tla xtikintlasojtlaj tokniuan, xuelis tiktlasojtlaskej toTajtsin. Juan, itlatitlankauj Cristo, okijkuilo: “Tla se xkitlajsojtla ikniu yejuan kita, no xkitlajsojtla Dios yejuan xkita” (1 Juan 4:20). Totlasojtlalis itech Jehová niman itech tokniuan noijki san sekan yauj iuan totlasojtlalis itech Biblia. ¿Tleka? Pampa tla tiktlasojtlaj tlen tomachtiaj itech Biblia, tiknekiskej tiktlakamatiskej tlanauatijli tlen ompa uajnestiuj itech tiktlasojtlaskej toTajtsin niman tokniuan (1 Pedro 1:22; 1 Juan 4:21).
Xteititi motlasojtlalis itech tokniuan. (Xkita párrafo 17).
17. ¿Kenon uelis tikteititiskej ika tikintlasojtlaj tokniuan?
17 (Xpoua 1 Tesalonicenses 4:9, 10). ¿Tlenon uelis tikchiuaskej tlen teititis ika tikintlasojtlaj tokniuan ipan tlanechikojli? Kanaj se tokniuj akin ikipiya miyek xiuitl noneki makuikakan tlanechikojli. Se tokniuj siuakauajli kanaj noneki makiyektlalilikan itlaj ipan inchan (Santiago 1:27). Tokniuan akin xok kipiyaj yolchikaualistli, akin noyolkokouaj noso kipiyaj okseki tlaueltin noneki tikinpaleuiskej, tikinyolchikauaskej niman tikinyolseuiskej (Proverbios 12:25; Colosenses 4:11, TNM). Matikimititikan ika tikintlasojtlaj “más on yejuan kineltokaj Jesucristo”, noso tokniuan, ika totlajtol niman ika tlen tikchiuaj (Gálatas 6:10).
18. ¿Tlenon techpaleuis matikyektlalikan tlaueltin iuan tokniuan?
18 Biblia kijtoua ika ipan sa itlamiyan tonaltin kampa tlayekana Satanás miyekej san najmanaskiaj intechkopa niman kinekiskiaj miyek tlemach (2 Timoteo 3:1, 2). Tejuamej akin tikchiuaj ken Cristo, noneki tochikauaskej niman tikueyiliskej totlasojtlalis itech Jehová, itech iTlajtol niman itech tokniuan. Pampa titlajtlakolejkej, kanaj kemantika uelis tikpiyaskej se pitentsin tlauejli iuan tokniuan. San ika, pampa totlasojtlaj se iuan okse, tochikauaskej tikyektlaliskej ika tlasojtlalistli san katlejua tlauejli niman totoka (Efesios 4:32; Colosenses 3:14). Maka keman matikpolokan totlasojtlalis. Noneki nochipa matikchiuakan ika maueyiya totlasojtlalis itech Jehová, itech iTlajtol niman itech tokniuan.
^ párr. 5 Salmo 97:10: “Nemejuamej akin nenkitlasojtlaj Jehová, xtlauelitakan tlen xkuajli. Yejua kinmejyeujtika innemilis akin itech yolmelaujkanemij; intech akin xkuakualtin kinmakixtia”.
^ párr. 11 Salmo 119:97-100: “¡Melak niktlasojtla motlanauatil! Itech nitlanemilia nochi tonajli. Motlanauatil kichiua manitlamachilise xijkon ken notlauelikniuan, pampa nochipa nouan onka. Nikpiya miyek asikamatilistli xijkon ken nochimej akin nechmachtiaj, pampa nitlanemilia itech motlalnamikilisuan. Ninoyekana ika ueyi asikamatilistli xijkon ken akin iuejueyimej tlakamej, pampa niktlakamati motlanauatiluan”.
^ párr. 14 Salmo 1:2: “Tlen kema, yolpaki itech itlanauatil Jehová, niman ika tonajli niman ika yeuajli kipoua itlanauatil, san ika, xchikauak kakisti”.