Tajtin “akin xchanejkej” xkinpaleuikan nemokoneuan
“Xitlaj onkaj yejuan más nechpaktia xken ijkuak nikaki ika nokoneuan kitlakamatij on tlen melauak” (3 JUAN 4).
TLAKUIKALTIN 88 NIMAN 41
1, 2. a) ¿Tlenon tlauejli kixnamikij inkoneuan akin ualeuaj oksekan? b) ¿Tlenon tlajtoltilistin tikinnankiliskej ipan yejuin tlamachtijli?
“IJKUAK ok nipitentsin katka, nitlajtouaya ipan nochan niman ipan tlanechikojli intlajtol notajuan akin ualeuaj oksekan”, kijtoua Joshua. “San ika, ijkuak opeuj niauj ipan kaltlamachtijli, noijki opeuj nikuelita tlajtojli tlen tlajtouaj ompa. Xmiyek xiujtin sakin, sa nitlajtouaya tlajtojli tlen ompa tlajtouaj. Nejua xok nikasikamatiya tlanechikoltin, niman xok ninomachiliaya ken notajuan itech ken tlanemiliaj niman ken kichiuaj”. Tlen ipan onochiuj Joshua miyekej ijkon inpan nochiua.
2 Ipan yejuin tonajli, ipantsin 240 millones tlaltikpakchanejkej xchantij kampa onoskaltijkej. Tla tejua titajtli akin tiualeua oksekan, ¿kenon uelis tikinpaleuis mokoneuan makitlasojtlakan Jehová niman “kitlakamati[skej] on tlen melauak”? (3 Juan 4). ¿Niman kenon uelis oksekimej tepaleuiskej?
TAJTIN, XTLALIKAN SE KUAJLI NESKAYOTL
3, 4. a) ¿Kenon uelis tajtin kinmakaskej se kuajli neskayotl inkoneuan? b) ¿Tlenon xnoneki makichiakan tajtin itech inkoneuan?
3 Tajtin, melak noneki xkinmakakan se kuajli neskayotl nemokoneuan tla nenkinekij kuajli manouikakan iuan Jehová niman Mateo 6:33, 34). Kachtopa xchiua itekiyo Jehová niman maka san xtejtemo miyek tlemach tlen patioj. Xmopanolti san ika achijtsin niman xyejyeko maka tikteuikilis tomin. Xtejtemo kenon tikpiyas “riquezas ne iluikak”, kijtosneki, makiseli Jehová tlen tikchiua, niman maka xtejtemo tomin noso inueyilis tlakamej (xpoua Marcos 10:21, 22; Juan 12:43).
nochipa manemikan. Ijkuak nemokoneuan kitaskej ika nemejuamej kachtopa nenkitejtemouaj iTekiuajyo toTajtsin, yejuamej kineltokaskej ika Jehová kinmakas tlen kinpoloua mojmostla (4 Maka keman xpiya miyek tlen tikchiuas niman ijkon uelis tikinmakas tiempo mokoneuan. Xkimijli ika melak kuajli timomachilia pampa kitlapejpeniaj kitlaliskej kachtopa Jehová ipan innemilis niman xsan kitejtemoua ueyilistli, notomintiskej noso mitstomintiskej. Maka xnemilikan ika nemokoneuan noneki mechmakaskej miyek tlemach niman ijkon melak kuajli ninnemiskej. Xkilnamikikan ika “tatajtin yejuamej noneki kintekipanoskej inkoneuan, niman xejuamej on inkonekuan kitekipanoskej intauan” (2 Corintios 12:14).
TAJTIN, XTEJTEMOKAN TLENON NENKICHIUASKEJ IKA TLAJTOJLI
5. ¿Tleka noneki ika tajtin matlajtokan iuan inkoneuan miyekpa itech Jehová?
5 Ijkon ken okijto teotlajtojli, tlaltikpakchanejkej “itech nochi tlajtoltin” uajlatokej ipan ikalpan Jehová (Zacarías 8:23). San ika, tla mokoneuan xkasikamatij kuajli tlajtojli tlen tejua titlajtoua, kanaj melak ouijtika yes tikinmachtis tlen melauak. Yejuamej monomachtijkauan itech Biblia akin kachtopa noneki tikimitas, niman tlen tikinmachtis itech Jehová kijtosnekis nemilistli tlen xkeman tlamis (Juan 17:3). Mokoneuj uelis nomachtis itech itlamachtiluan Jehová tla tejua iuan titlajtoua miyekpa itech yejon (xpoua Deuteronomio 6:6, 7). *
Mokoneuan monomachtijkauan itech Biblia akin kachtopa melak noneki tikimitas
6. ¿Kenon uelis kipaleuis mokoneuj tla tlajtoua motlajtol? (Xkita tlaixkopinajli kampa peua tlen tomachtijtokej).
6 Mokoneuan kanaj nomachtiskej tlajtojli tlen tlajtouaj kampa nenchantij aman ipan kaltlamachtijli niman itech oksekimej. San ika, yejuamej san ueliskej tlajtojli tlen nentlajtouaj tla miyekpa ika yejuin nenkinnotsaj. Ijkuak nemokoneuan tlajtoskej nemotlajtol, xouijtika yes nemouan tlajtoskej niman mechijliskej kenon nomachiliaj. San ika, onka okse tlen ika tepaleui. Ijkuak mokoneuan nomachtiskej tlajtoskej xsan ipan se tlajtojli, melak kinpaleuis totoka matlanemilikan niman makasikamatikan ken tlanemiliaj oksekimej. Noijki uelis kichiuaskej miyek ipan tenojnotsalistli. Carolina, akin itajuan ualeuaj oksekan, kijtoua: “Ninemis ipan tlanechikojli ika okse tlajtojli nikita melak teyolpakti. Melak nikuelita nitlapaleuis kampa melak noneki”.
7. ¿Tlenon uelis tikchiuas tla ipan mochanejkauan xkasikamatij se tlajtojli?
7 San ika, pampa inkoneuan akin ualeuaj oksekan nomachtiaj ken tlajtouaj, ken tlanemiliaj niman ken kichiuaj kampa chantij aman, sekimej kanaj xok kinekiskej niman hasta xok ueliskej tlajtoskej intlajtol intajuan. Tajtin, tla yejuin panoua itech nemokoneuan, ¿uelis nemomachtiskej * (xkita nota).
maski san achijtsin tlajtojli tlen tlajtouaj kampa nenchantij aman? Xouijtika nenkinpaleuiskej nemokoneuan makichiuakan ken Cristo tla nenkasikamatij itech tlenon tlajtouaj, tlen ika noyolpaktiaj niman kenon yauej ipan kaltlamachtijli. Niman noijki hasta uelis nentlajtoskej iuan intlamachtijkauan. Timomachtis se yenkuik tlajtojli tiuejkauis, noneki timochikauas niman tiyolyemanki yes. San ika, melak tepaleui tla tikchiua. Se neskayotl, tla mokoneuj xok tlakakiskia, ¿xtikyejyekoskia timomachtis tlajtojli ika señas niman ijkon iuan timonotsas? Aman, tla se konetl melak kuajli kasikamati okse tlajtojli, ¿xmelauak ika noijki ijkon noneki tikchiuas?8. ¿Kenon uelis tikinpaleuis mokoneuan tla tejua xtiueli tlajtojli tlen tlajtouaj kampa nenchantij aman?
8 Melak ouijtika kitaskej sekimej tajtin akin ualeuaj oksekan kuajli tlajtoskej iuan inkoneuan akin tlajtouaj okse yenkuik tlajtojli. Yejuin kanaj kichiuas ika tajtin ouijtika kitaskej kinpaleuiskej inkoneuan makasikamatikan “iYektlajkuilol Dios” (2 Timoteo 3:15). Tla yejuin mopan nochiujtika, tejua ok uelis tikinpaleuis mokoneuan makixmatikan niman makitlasojtlakan Jehová. Se tlayekanketl itoka Shan kijtoua: “Tonan akin san iselti otechiskalti tlajtouaya san achijtsin tlajtojli tlen tejuamej tikasikamatiyaj, niman nejua iuan nokniuan xueli kuajli titlajtouayaj itlajtol. San ika, ijkuak tikitayaj ika nomachtiaya iselti, kichiuaya teoyotl niman kichiuaya nochi tlen ueliya ika matikueyichiuakan toTajtsin ken familia nochi semanas, otikasikamatkej ika tikixmatiskej Jehová melak ueyi kijtosneki”.
9. ¿Kenon uelis tajtin kinpaleuiskej inkoneuan akin kanaj noneki nomachtiskej ika ome tlajtojli?
9 Sekimej tekoneuan noneki nomachtiskej itech Jehová ika ome tlajtoltin. ¿Tleka? Pampa yejuamej tlajtouaj se tlajtojli ipan kaltlamachtijli niman okse tlajtojli ipan inchan. Ika yejon, sekimej tajtin kitekitiltiaj amatlajkuiloltin, grabaciones niman videos ipan ome tlajtoltin. Kuajli nesi ika tajtin akin ualeuaj oksekan noneki nochikauaskej ika kinpaleuiskej inkoneuan manonisiuikan itech Jehová.
¿ITECH KATLEJUA TLANECHIKOJLI NONEKI NENYASKEJ?
10. a) ¿Akinon noneki kitlapejpenis ipan katlejua tlajtojli nemonechikoskej? b) Achtopa itlaj kitlapejpeniskej, ¿tlenon noneki kichiuaskej akin tlayekanaj itech inchanejkauan?
10 Ijkuak “akin xchanejkej” chantij uejka itech oksekimej iteixpantijkauan Jehová akin tlajtouaj intlajtol, noneki nosentlaliskej ipan tlanechikojli ika tlajtojli tlen tlajtouaj kampa chantij aman (Salmo 146:9). San ika, tla onka se tlanechikojli ika intlajtol, akin tlayekana itech ichanejkauan noneki kitlapejpenis katlejua tlanechikojli melak kinpaleuis ichanejkauan. Achtopa kitlapejpenis tlenon nochiuas, yejua noneki kuajli tlanemilis niman kichiuas teoyotl itech yejon. Yejua noijki kipiya ika tlajtos iuan isiuauj niman ikoneuan (1 Corintios 11:3). ¿Itech tlenon noneki tlanemilis? ¿Tlenon tlajtolyekanalistin itech Biblia uelis kipaleuiskej makitlapejpeni tlen kichiuas?
Akin tlayekana itech ichanejkauan noneki kitlapejpenis katlejua tlanechikojli melak kinpaleuis ichanejkauan
11, 12. a) ¿Kenon tlajtojli kipaleuiya se tekoneuj itech tlen nomachtia ipan tlanechikoltin? b) ¿Tleka sekimej kokonej xkinekij nomachtiskej tlajtojli tlen tlajtouaj intajuan?
1 Corintios 14:9, 11). Niman se tlajtojli tlen se tekoneuj opeuj tlajtoua ijkuak pitentsin katka xkijtosneki ika noneki nochipa ika yejon tlajtojli makijto tlen kinemilia niman kimachilia. Kemantika hasta sekimej kokonej yonomachtijkej tlanankiliskej, panoskej tlayekapan niman temakaskej se tlamachtijli ika tlajtojli tlen tlajtouaj intajuan, san ika, xkijtouaj tlen yemelak kinemiliaj niman kimachiliaj.
11 Tajtin noneki tlanemiliskej itech tlen yemelak kinpoloua inkoneuan. Tla noneki ika tekoneuan kuajli makasikamatikan tlen melauak temachtia Biblia, xsan noneki kikakiskej seki horas tlamachtijli itech Biblia ipan tlanechikoltin nochi semanas. San ika, xtlanemili itech yejuin: ipan tlanechikoltin tlen nopanoltia ika tlajtojli tlen yejuamej kuajli kasikamatij, kokonej uelis kinpaleuis san ika ompa nemij, kanaj nomachtiskej miyek hasta ken nion xkinemiliaj intajuan. Yejuin xuelis ijkon panos ijkuak kokonej xkuajli kasikamatij se tlajtojli (xpoua12 Noijki xsan tlajtojli kichiua nochi ken tlanemilia niman nomachilia se konetl. Yejuin ijkon ipan onochiuj Joshua, akin yotikteneujkej kachtopa. Ikniuj, akin itoka Esther, kijtoua: “Ipan kokonej tlajtojli tlen tlajtoua intajuan, ken tlanemiliaj, ken kichiuaj niman intlaneltokil san sekan onka”. Tla kokonej xnomachiliaj ijkon ken intajuan itech ken tlanemiliaj niman ken kichiuaj, kanaj xkinekiskej nomachtiskej tlajtojli tlen tlajtouaj intajuan niman intlaneltokil. ¿Tlenon uelis kichiuaskej tajtin akin ualeuaj oksekan?
13, 14. a) ¿Tleka okitlapejpenijkej tajtin akin ualeuaj oksekan yaskej ipan tlanechikojli ika tlajtojli tlen tlajtouaj kampa chantij aman? b) ¿Kenon tajtin ouel nochipa kuajli onouikakej iuan Jehová?
13 Tajtin akin kichiuaj ken Cristo noneki kachtopa tlanemiliskej itech tlen kinpoloua inkoneuan niman maka san itech tlen yejuamej kinekij (1 Corintios 10:24). Samuel, intaj Joshua niman Esther, kijtoua: “Nejua iuan nosiuauj kuajli otikitakej ika tlen tlajtojli ueliskia ajsis tlen melauak ipan inyojlo tokoneuan, niman otiktlajtlanilijkej toTajtsin tlamachilistli. Toteoyouj ononankili xken tejuamej tikchiayaj. San ika, ijkuak otikitakej ika yejuamej xueyi kinpaleuiaya tlanechikoltin ika totlajtol, otiknemilijkej tiaskej ipan tlanechikojli ika tlajtojli tlen tlajtouaj kampa tichantij aman. San sekan nochipa tiayaj tlanechikoltin niman tontenojnotsayaj. Noijki otikinnotskej tokniuan ipan yejon tlanechikojli touan matlakuakan niman mapaxialokan. Nochi yejuin okinpaleui tokoneuan kuajli makimixmatikan tokniuan niman makixmatikan Jehová, xsan ken inTajtsin, noijki ken akin kuajli iuan nouikaj. Otikitakej ika yejuin melak noneki xijkon ken kuajli makasimatikan totlajtol”.
14 Samuel noijki kijtoua: “Nejua iuan nosiuauj noijki tiayaj ipan tlanechikoltin ika totlajtol niman ijkon tikchikauaskej totlaneltokil. Ipan tonemilis melak miyek tikpiyaj tlen tikchiuaskej, niman tisiauij. San ika, tiktlasojkamachiliaj Jehová pampa yokiteochiuj ika melak tochikauaj. Nochimej yeyi tokoneuan chikauak kitekichiuiliaj Jehová”.
TLENON UELIS KICHIUASKEJ TEKONEUAN
15. ¿Tleka tokniuj Kristina okinemili ika yejua uelis melak kuajli tlapaleuiskia ipan tlanechikojli ika tlajtojli tlen tlajtouaj kampa chanti aman?
15 Ijkuak tekoneuan noskaltiaj, kanaj kitaskej ika melak kuajli kitekichiuiliskej Jehová ipan se tlanechikojli ika tlajtojli tlen kuajli kasikamatij. Tla yejuin panoua, intajuan xkipiyaj ika kimachiliskej ika inkoneuan kinmapeuaj. Kristina kijtoua: “Nikasikamatiya achijtsin intlajtol notajuan, san ika, nikmachiliaya melak Hechos 2:11, 41). Ijkuak Kristina okajxilti 18 xiuitl, otlajto iuan itajuan itech tlen panotoya niman okitlapejpeni yas ipan tlanechikojli ika tlajtojli tlen tlajtouaj kampa chanti aman. Yejua kijtoua: “Ninomachtis itech Jehová ika tlajtojli tlen tlajtouaj ipan kaltlamachtijli onechyolmapeuj itlaj manikchiua”. Kristina nimantsin onochiuj precursora regular, niman yejuin melak kiyolpaktia.
ouijtika nikasikamatis tlajtojli tlen tlajtouayaj ipan tlanechikoltin. Ijkuak nikpiaya 12 xiuitl, oniaj ipan se ueyi tlanechikojli ika tlajtojli tlen tlajtouayaj ipan kaltlamachtijli. Ipan yejon tonajli onikasikamat ika tlen nijkaktoya yejua katka tlen melauak. Noijki itlaj opanok ijkuak opeuj nikchiua teoyotl ika tlajtojli tlen oniuel ipan kaltlamachtijli. ¡Aman nitlajtouaya iuan Jehová itech tlen kisaya ipan noyojlo!” (16. ¿Tleka Nadia yolpaki ika onokauj ipan tlanechikojli ika tlajtojli tlen tlajtouaj itajuan?
16 Telpochtli niman ichpochtli, ¿tiknekiskia tinemis ipan tlanechikojli ika tlajtojli tlen tlajtouaj kampa tichanti aman? Tla kema, xmotlajtolti tleka tikneki. ¿Tikneki tias ipan yejon tlanechikojli pampa mitspaleuis kuajli xmouika iuan Jehová? (Santiago 4:8). ¿Noso tikuelitaskia ompa tias pampa xtiknekij ika motajuan makitstokan nochi tlen tikchiua? ¿Noso pampa xtikneki timochikauas tikchiuas itlaj? Nadia, akin aman tlapaleuiya ipan Betel, kijtoua: “Ijkuak nejua niman nokniuan xok tikokonej katkaj, otiknejkej tiaskej ipan tlanechikojli ika tlajtojli tlen tlajtouaj kampa otochantitoj”. San ika, intajuan kimatiyaj ika tla yaskiaj ipan okse tlanechikojli xkinpaleuiskia inkoneuan kuajli manouikakan iuan Jehová. Aman Nadia kijtoua: “Melak tikintlasojkamachiliaj totajuan ika onochikaujkej techmachtiskej intlajtol niman tinemiskej ipan tlanechikojli ika yejon tlajtojli. Yejuin yokichiuj melak kuajli matomachilikan niman matikpiyakan miyek ken tikinpaleuiskej oksekimej makixmatikan Jehová”.
KENON OKSEKIMEJ UELIS TEPALEUISKEJ
17. a) ¿Akinomej kinnauatiaj Jehová ika makinmachtikan tekoneuan? b) ¿Tlenon uelis kichiuaskej tajtin tla noneki makinpaleuikan kinmachtiskej tlen melauak inkoneuan?
17 Jehová yokinmakak tajtin tekitl ika makinmachtikan inkoneuan tlen melauak. Xokinmakak yejon tekitl inbuelos noso yakaj okse (xpoua Proverbios 1:8; * 31:10, 27, 28). * San ika, kanaj tajtin xuelij tlajtojli tlen tlajtouaj kampa chantij aman niman noneki makinpaleuikan maajsikan ipan inyojlo inkoneuan. Ijkuak tajtin kitlajtlanij makinpaleuikan, xkichiuaj pampa xkinekij kichiuaskej intekiyo ika kinmachtiskej inkoneuan. Yejuamej kema kinekij kinmachtiskej inkoneuan itech Jehová ika yejon kitlajtlanij makinpaleuikan (Efesios 6:4). Se neskayotl, tajtin uelis kintlajtoltiskej tlayekankej ipan tlanechikojli itech tlenon uelis kichiuaskej ijkuak kiueyichiuaskej toTajtsin ken familia. Noijki uelis kitlajtlaniskej makinpaleuikan ika inkoneuan makinnextikan akin iuan nouikaskej.
Tekoneuan niman tajtin melak kinpaleuiya nosentlaliskej iuan oksekimej tokniuan. (Xkita párrafos 18, 19).
18, 19. a) ¿Kenon uelis oksekimej tokniuan kinpaleuiskej telpokamej? b) ¿Tlenon noneki makichiujtiakan tajtin?
18 Tajtin uelis kinnotsaskej oksekimej familias imiuan makiueyichiuakan Jehová ken familia kemantika niman ijkon kinpaleuiskej inkoneuan. Noijki, miyekej telpokamej nomachtiaj itech oksekimej ijkuak imiuan yauej ontenojnotsaj niman san sekan kichiuaj itlaj (Proverbios 27:17). Shan, akin yotikteneujkaj kachtopa, kijtoua: “Kuajli nikimilnamiki tokniuan akin nochipa kitstoyaj kenon nechpaleuiskej. Ijkuak yejuamej onechpaleuijkej ika tlen nonekiya nikpanoltis ipan tlanechikoltin, ninomachtiaya miyek okseki. Niman melak nikuelitaya ijkuak san sekan ika itlaj toyolpaktiayaj”.
19 Kema, akin kinpaleuiskej tajtin noneki nochipa kinyolchikauaskej kokonej makintlakaitakan intajuan. Yejuamej uelis kichiuaskej yejuin ijkuak kuajli tlajtoskej itech tajtin niman kitlakaitaskej ika tajtin kipiyaj tekitl ika kinmachtiskej inkoneuan. Noijki, akin tepaleuiyaj noneki maka kichiuaskej itlaj tlen kinmasikamachiltis tlen xkuajli tokniuan noso oksekimej niman tlen uelis nesis ken xchipauak nemilistli (1 Pedro 2:12). Maski tajtin uelis kintlajtlaniliskej oksekimej makinpaleuikan, ok yejuamej intekiyo kinmachtiskej tlen melauak. Noijki noneki kitstoskej kenon oksekimej tokniuan kinpaleuiyaj inkoneuan.
20. ¿Kenon uelis tajtin kinpaleuiskej inkoneuan manochiuakan itekipanojkauan Jehová?
20 Tajtin, xtlajtlanilikan itlapaleuilis Jehová, niman xchiuakan nochi tlen nenueliskej (xpoua 2 Crónicas 15:7). * Kachtopa melak xmajmanakan ipampa ken nouikaj nemokoneuan iuan Jehová niman maka san itech tlen nenkinekij. Xchiuakan nochi tlen nenueliskej niman ijkon iTlajtol toTajtsin maajsi ipan inyojlo nemokoneuan. Nochipa xnemilikan ika nemokoneuan uelis nochiuaskej itekipanojkauan Jehová. Ijkuak nemokoneuan kitlakamatiskej iTlajtol toTajtsin niman kixkopinaskej tlen kuajli nenkichiuaj, nemomachiliskej ken Juan, itlatitlankauj Cristo, onomachili itech akin kentla ikoneuan yeskiaj: “Xitlaj onkaj yejuan más nechpaktia xken ijkuak nikaki ika nokoneuan kitlakamatij on tlen melauak” (3 Juan 4).
^ párr. 5 Deuteronomio 6:6, 7: “Niman yejuin tlajtoltin tlen nimitsnauatijtika ipan yejuin tonajli kipiya ika tikintlalis ipan moyojlo; niman kipiya ika tikimititis mokoneuj niman tikimijlis ijkuak timotlalis mochan niman ijkuak tikistinemis ipan ojtli niman ijkuak timotekas niman ijkuak timokuiteuas”.
^ párr. 7 Xkita tlamachtijli “Usted puede aprender otro idioma”, ipan ¡Despertad! marzo 2007, páginas 10-12.
^ párr. 17 Proverbios 1:8: “Xtlakaki, nokoneuj, ijkuak mitsyektlalia motaj, niman maka xkaua itlanauatil monan”.
^ párr. 17 Proverbios 31:10, 27, 28: “¿Akinon uelis kinextis se siuatl akin melak tekitki? Yejua melak patioj xijkon ken corales. Yejua kita ika manochiua tlen noneki ipan ichan, niman pan itech tlatsijkayotl yejua xkikua. Ikoneuan nokuiteuaj niman ika intlajtol kiyolpaktia; iueuentsin nokuiteua niman kiueyiteneua”.
^ párr. 20 2 Crónicas 15:7: “San ika, nemejuamej xmoyolchikauakan niman maka matemokan nemomauan, pampa nemotekiyo kipiyas itlaxtlauil”.