¿Oksejpa uelis tikimitaskej akin yomijkej?
Xakaj nomanauiya itech mikilistli, kanaj kichiua xmotlajtolti, ¿nochi ompa tlami? ¿Xok yakaj kimilnamiki akin yomijkej? Noso, ¿ajsis tonajli ijkuak oksejpa yoliuiskej?
XNEMILI TLEN KIJTOUA BIBLIA:
TOTAJTSIN XKIMILKAUA AKIN YOMIJKEJ
“On mikatsitsimej kakiskej notlajtol niman kisaskej ipan intlalkon” (Juan 5:28, 29).
ToTajtsin kimilnamiki akin yomijkej niman pampa kimilnamiki oksejpa yoliuiskej.
YOLIUILISTLI NOCHIUAS IPAN TLALTIKPAKTLI
“On mikatsitsimej yoliuiskej nochimej yejuan yolmelajkej niman on yejuan xyolmelajkej” (Hechos 24:15).
Melak miyekej yoliuiskej niman uelis nemiskej nochipa ika yolseuilistli.
UELIS TIKNELTOKASKEJ IKA OKSEJPA YOLIUISKEJ
ToTajtsin “kipoua keski sitlalin onkaj, niman cada se kitokayotia” (Salmo 147:4).
Tla toTajtsin kimixmati ika intoka nochi sitlalimej, kuakon, isiujkan uelis kimilnamikis akinomej yokinemili kinyolitis.
Puede que también le interese
TLEN MIYEKEJ NOTLAJTOLTIAJ ITECH BIBLIA
¿Tlenon kijtosneki yoliuilistli?
Kanaj mitsmojkatlachialtis ijkuak tikitas akinomej yoliuiskej.
