SEKIMEJ TLALTIKPAKCHANEJKEJ KINELTOKAJ ika kijtosneki tlen kipiyaj ipan inyojlo tlaltikpakchanejkej. Oksekimej kinemiliaj ika tlen kichiuaj tlaltikpakchanejkej tlen ika maonia yolseuilistli niman san sekan manemikan ipan tlaltikpaktli. ¿Tlenon tiknemilia tejua?

TLEN BIBLIA KIJTOUA

“ToTajtsin iluikakchane kitlalis se tekiuajyotl tlen xkeman kipopoloskej. Niman yejuin tekiuajyotl [...] kinkuechos niman kinpopolos nochi tekiuajyomej [tlen tlaltikpakchanejkej yokintlalijkej]” (Daniel 2:44). ITekiuajyo toTajtsin yemelak se tekiuajyotl.

¿TLENON NOIJKI UELIS TOMACHTISKEJ ITECH BIBLIA?

• ITekiuajyo toTajtsin tlayekana ipan iluikak (Mateo 10:7; Lucas 10:9).

• Totajtsin kikuis Tekiuajyotl kichiuas tlen kineki manochiua ipan iluikak niman ipan tlaltikpaktli (Mateo 6:10).

¿KENON TIKNEMILIA TEJUA?

• Xakaj kimati

• Xok uejkaujtipan poliui

• Xkeman

TLEN BIBLIA KIJTOUA

“Niman yejuin kuajli tlajtoltin itech Tekiuajyotl notenojnotsas ipan nochi tlaltikpaktli niman ijkon nochimej kalpamej makimatikan, niman kuakon tlapopoliuis ipan yejuin tlaltikpaktli” (Mateo 24:14, TNM). Ijkuak yonotenojnots ipan tlaltikpaktli, iTekiuajyo toTajtsin uajlas niman kipopolos nochi tlen xkuajli nochiua ipan tlaltikpaktli.

¿TLENON NOIJKI UELIS TOMACHTISKEJ ITECH BIBLIA?

• Xakaj kimati kuajli kemanon uajlas iTekiuajyo toTajtsin (Mateo 24:36).

• Tlen kijtoua Biblia panos teititia ika iTekiuajyo toTajtsin sa achijtsin poliui ika yejkos (Mateo 24:3, 7, 12).