AMATL TEKAKISTILIJKETL (TLEN TOMACHTIAJ) Enero de 2018
Yejuin revista kipiya tlen tomachtiskej ipan 26 febrero-1 abril 2018.
ONOTEMAKAKEJ IKA INYOJLO TLAPALEUISKEJ
Onotemakakej ika inyojlo tlapaleuiskej ipan Madagascar
Xkimixmati seki tenojnotskej akin onotemakakej tlapaleuiskej niman ijkon kiteijliskej tlajtoltin itech Tekiuajyotl ipan Madagascar.
“Yejua kimaka kojtilistli akin siaujtika”
Uelis tikchiaskej ika tlen ouijtika tikixnamikiskej miyekixtias ijkuak uajnonisiuijtias itlamiyan yejuin tlaltikpaktli. Texto del año ipan 2018 techilnamiktia matiktejtemokan kojtilistli itech Jehová.
Ijkuak noilnamiki imikilis Cristo tepaleuiya san sekan matinemikan
¿Kenon ijkuak noilnamiki imikilis Cristo tepaleuiya ika ikalpan toTajtsin san sekan manemi? ¿Kemanon yejkos tonajli ijkuak sa ika tlamis tikilnamikiskej imikilis Cristo?
¿Tlenon uelis tikmakaskej Akin nochi ikipiya?
Se ken tikititiaj Jehová ika tiktlasojtlaj yejua ijkuak tikmakaj tlen tikpiyaj. ¿Kenon techpaleuiya tikueyichiuaskej Jehová ika tlen patioj tikpiyaj?
¿Katlejua tlasojtlalistli kichiua yemelak matiyolpakikan?
¿Kenon xsan noijki tlasojtlalistli tlen toTajtsin kineki matikpiyakan niman tlasojtlalistli tlen noteneua ipan 2 Timoteo 3:2-4? Ken nonankilia uelis techpaleuis matikpiyakan pakilistli niman matinemikan ika toyojlo.
Xsan noijkimej akin kitekichiuiliaj Jehová niman akin ka
¿Kenon xsan noijkimej akin nemiskiaj ipan sa itlamiyan tonaltin niman akin nemij ipan ikalpan toTajtsin?
¿Itikmatiya?
¿Kitekitiltiayaj ipan yeuejkaui Israel itlajtolyekanalisuan tlanauatijli tlen okimakakej Moisés ika kinyektlaliskej tlaueltin?
