Kemantika nimantsin tikilkauaj tlen titomachtiaj. San ika, ineskayouan Jesús kema ueli tikimilnamikij. ¿Tleka? Pampa ueli tikomonnemiliaj yejon neskayomej ipan totsontekon. Noijki ijkon, uelis más tikilnamikiskej tlen titomachtiaj tla tikinchijchiuaj tlaixkopinaltin. ¿Kenijki uelis ijkon tikchiuaskej? Matikinchijchiujtiakan tlaixkopinaltin ijkuak tomachtiskej.

Miyekej kinchijchiuaj tlaixkopinaltin ijkuak uelij itlaj tlen yenkuik niman yokitakej ika yejon kinpaleuiya maka makilkauakan tlen ouelkej. Tlaixkopinaltin tlen kinchijchiuaj xmelak ouijtika. Ixtlamatkej yokitakej ika yejuin melak tepaleui, san ika, más kinpaleuiya akin yeuejueyitlakamej.

Ijkuak timomachtis, xmokojtili xkinchijchiua tlaixkopinaltin niman tikitas ika melak miyek tikilnamikis tlen otimomachti.