Melak kualtsin pampa tikitstokej kenon Jehová techpaleuijtika más kuajli matikasikamatikan tlen tomachtiaj ipan Biblia (Dan. 12:4). Maski ijkon, kanaj techtekiyomaka tomachtiskej tlen yonopatlak itech tlen tikneltokaj. ¿Kanon uelis tiknextiskej tlen kemach yonopatlak?

• Ipan Índice de las publicaciones Watch Tower, kampa kijtoua “Aclaración de creencias”, onka se lista kampa uajnestiuj nochi tlen youajnopatlatiaj itech tlen tikneltokaj. Yejuin uelis tiktejtemos ika xiuitl noso ika itoka tlamachtijli. Tla tikneki tikitas ika itoka tlamachtijli, xkijkuilo ika comillas “aclaración de creencias” kampa buscador tlen onka ipan Watchtower Library noso ipan BIBLIOTECA IPAN INTERNET Watchtower™.

• Ipan amatlajkuilojli Tlen kinpaleuiya ika nomachtiaj iteixpantijkauan Jehová, uajlauj se lista kampa nesi intoka tlamachtiltin. Tla tikneki tikimitas, xuiya kampa kijtoua “Iteixpantijkauan Jehová”, sakin kampa “Tlen nonemilia niman tlen noneltoka” niman sakin kampa “Notoma tlen tikneltokaj”.

Ijkuak moselti timomachtis, ¿tleka xtiktejtemoua tlen kemach yonopatlak? Xtejtemo kenon aman tikasikamatij itlaj niman xkita kenon Biblia kiteititia ika nonekiya ijkon manochiua.