TLAMACHTIJLI 37
Matokauilikan Jehová matechyekana
“¿Tline tej, xmás kuajli tiktlakamatiskej on toTajtsin iluikak chanej[?]” (HEB. 12:9).
TLAKUIKAJLI 9 Jehová toTekiuaj
TLEN TIKITASKEJ *
1. ¿Tleka noneki tokauiliskej Jehová matechyekana?
KIPIYA ika tokauiliskej Jehová matechyekana. * Yejua akin otexchijchiuj, kuakon, uelis techijlis tlenon noneki tikchiuaskej (Apoc. 4:11). San ika, noijki kipiya ika tiktlakamatiskej pampa san yejua akin melak kuajli tlayekana. Miyekej tlaltikpakchanejkej youajtlayekantiajkej, san ika, Jehová yejua tekiuaj akin melak tlamachilise, tetlasojtlani, teasikamatini niman teikneliani (Éx. 34:6; Rom. 16:27; 1 Juan 4:8).
2. Ika tlen kijtoua Hebreos 12:9-11, ¿tleka noneki tokauiliskej Jehová matechyekana?
2 Jehová kineki matiktlakamatikan pampa tiktlasojtlaj niman tikitaj ken toTajtsin akin tetlasojtlani, xkineki matiktlakamatikan pampa tikmakajsij. Pablo okimijkuilouili hebreos akin kichiuayaj ken Cristo ika nonekiya nokauiliskej ika toTajtsin makinyekana pampa yejua akin techmachtia “para tikpiyaskej on tlen melauak techpaleuis” (xpoua Hebreos 12:9-11).
3. a) ¿Kenon tikteititiaj ika tokauiliaj Jehová matechyekana? b) ¿Tlenon tiknankiliskej?
3 Tokauiliaj Jehová matechyekana ijkuak tokojtiliaj tikchiuaskej nochi tlen techijlia niman ijkuak xtitlaneltokaj itech tlen tejuamej tiknemiliaj (Prov. 3:5). Tla tikixmatij ikualneskayouan toTajtsin, kuakon, xouijtika tikitaskej tokauiliskej Jehová matechyekana, pampa ipan nochi tlen kichiua yejua kiteititia ikualneskayouan (Sal. 145:9). Ijkuak kuajli tikixmatij Jehová, más tiktlasojtlaj. Niman, tla tiktlasojtlaj, xnonekis matechijkuilouilikan tlen noneki tikchiuaskej niman tlen xnoneki tikchiuaskej. Tokojtiliaj titlanemiliskej ken Jehová niman tokojtiliaj xtikchiuaskej tlen xkuajli (Sal. 97:10). San ika, kanaj kemantika ouijtika tikmachiliskej tiktlakamatiskej. ¿Tleka? ¿Niman tlenon uelis nomachtiskej tlayekankej, tajtin niman nantin itech tlanauatijketl Nehemías, tekiuaj David niman María, inan Jesús? Ipan yejuin tlamachtijli, tiknankiliskej yejuin.
TLEKA UELIS OUIJTIKA YES TOKAUILISKEJ JEHOVÁ MATECHYEKANA
4, 5. Itech tlen kijtoua Romanos 7:21-23, ¿tleka kemantika ouijtika tikmachiliaj tokauiliskej Jehová matechyekana?
4 Kemantika ouijtika tikmachiliaj tokauiliskej Jehová matechyekana pampa titlajtlakolejkej. Ika yejon, miyekpa xtiknekij tiktlakamatiskej. Ijkuak Adán iuan Eva okixnamijkej toTajtsin niman okikuajkej tlen yejua okimijlika maka makikuakan, yejuamej okitlalijkej intlanauatiluan (Gén. 3:22). Ijkon ken yejuamej, aman miyekej xkinekij kitlakamatiskej toTajtsin niman san yejuamej kijtouaj tlenon kuajli niman tlenon xkuajli.
5 Hasta tejuamej akin tikixmatij niman tiktlasojtlaj Jehová kanaj ouijtika tikmachiliaj tokauiliskej Jehová matechyekana. Yejon tlen ipan onochiuj apóstol Pablo (xpoua Romanos 7:21-23). Ijkon ken yejua, tiknekij tikchiuaskej tlen toTajtsin kuelita. San ika, noneki tokojtiliskej pampa titlajtlakolejkej niman kemantika tiknekij tikchiuaskej tlen xkuajli.
6, 7. ¿Tleka noijki uelis ouijtika tikmachiliskej tokauiliskej Jehová matechyekana? Xkijto se neskayotl.
6 Noijki ken otechiskaltijkej uelis kichiuas ouijtika matikmachilikan tokauiliskej Jehová matechyekana. Tlen kinemiliaj miyekej tlaltikpakchanejkej kemantika xnotlajtolnamiki ika tlen toTajtsin kijtoua, niman kanaj nonekis nochipa tokojtilijtoskej xok ijkon titlanemiliskej. Matikitakan san se neskayotl.
7 Ipan seki kalpamej, kinyolchikauaj telpokamej matekitikan niman ijkon kitlaniskej miyek tomin. Yejon tlen ipan onochiuj se tokniuj akin itoka Mary. * Ijkuak xikixmatiya Jehová, onomachti ipan se universidad tlen miyekej kixmatiyaj. Ichanejkauan kijliayaj makitejtemo se tekitl kampa miyekej kixmatiskej niman kampa ueliskia kitlanis miyek tomin. Yejua noijki kuelitaya yejon. San ika, okipatlak tlen kinemiliaya ijkuak okixmat Jehová niman opeuj kitlasojtla. Maski ijkon, tokniuj kijtoua: “Kemantika, nikita ika niueliskia nikpeualtis se tekitl kampa niktlanis miyek tomin, san ika, yejon xnechkauiliskia kuajli maniktekichiuili Jehová. Ipampa ken onechiskaltijkej, kemantika ouijtika nikmachilia xijkon nitlanemilis. Noneki niktlajtlanilis Jehová manechpaleui maka manikseli tekitl kampa xuelis kuajli niktekichiuilis” (Mat. 6:24).
8. ¿Aman tlenon tikitaskej?
8 Ken yotikitakej, tiktlakamatiskej Jehová melak techpaleuiya. San ika, tlayekankej, tajtin niman nantin noijki noneki kitlakamatiskej Jehová pampa yejon uelis kinpaleuis oksekimej. Aman tikitaskej seki neskayomej tlen onka ipan Biblia tlen techmachtiaj matitlayekanakan ken Jehová kuelita.
TLEN OKICHIUJ NEHEMÍAS KINPALEUIYA TLAYEKANKEJ
Tlayekankej tlapaleuiyaj ipan tekitl tlen nochiua ipan Kajli kampa tosentlaliaj, ijkon ken Nehemías otlapaleui ijkuak onoyektlalijkej itepanuan Jerusalén. (Xkimita párrafos 9-11). *
9. ¿Tlenon okixnamik Nehemías?
9 Jehová yokintekitlali tlayekankej niman ijkon yejuamej makintlajpiyakan itekipanojkauan toTajtsin (1 Ped. 5:2). Ken Nehemías okiyekan ikalpan Jehová uelis melak kinpaleuis tlayekankej. Pampa Nehemías katka tlanauatijketl, yejua ueliya tlayekanaya Judá (Neh. 1:11; 2:7, 8; 5:14). Matikitakan seki tlen okixnamik Nehemías. Yejua okimat ika judíos yokitsokuilotijkaj iteopan toTajtsin niman xkinpaleuiayaj levitas ika tomin, ijkon ken kijtouaya Tlanauatijli. Noijki, xkitlakaitayaj tonajli sábado niman sekimej yononamiktijkaj imiuan akin xompa chanejkej. ¿Tlenon kichiuaskia Nehemías? (Neh. 13:4-30).
10. ¿Tlenon okichiuj Nehemías?
10 Maski Nehemías yejua akin tlayekanaya, xokinchiualti judíos makichiuakan tlen yejua kijtouaya. Nehemías okinots Jehová niman ijkon yejua makiyekana niman okinmachti judíos iTlanauatil toTajtsin (Neh. 1:4-10; 13:1-3). Noijki, yolyemanki katka niman okinpaleui imikniuan, hasta imiuan okiyektlali itepanuan Jerusalén (Neh. 4:15).
11. Ijkon ken kijtoua 1 Tesalonicenses 2:7, 8, ¿kenon tlayekankej noneki kiyekanaskej tlanechikojli?
11 Kanaj tlayekankej xkixnamikij tlen Nehemías okixnamik. San ika, uelis kichiuaskej ijkon ken okichiuj Nehemías. Matitlanemilikan itech yejuin, tlayekankej chikauak tekitij niman ijkon kinpaleuiskej tokniuan. Niman xnoueyimatij pampa yejuamej akin tlayekanaj, yejuamej ika tlasojtlalistli kiyekanaj tlanechikojli (xpoua 1 Tesalonicenses 2:7, 8). Ken kinnotsaj oksekimej, tlayekankej kiteititiaj ika melak tetlasojtlaj niman yolyemankej. Tokniuj Andrew akin youejkauj tlapaleuiya ken tlayekanketl kijtoua: “Yonikitak ika tokniuan más kinekij tetlakamatiskej ijkuak tlayekankej kuajli kiminotsaj niman kimititiaj ika kimintlasojtlaj. Ijkuak ijkon kichiuaj, tokniuan kinekij kinpaleuiskej tlayekankej”. Niman Tony, akin noijki youejkauj tlapaleuiya ken tlayekanketl, techijlia: “Nikyejyekoua nikchiuas ken kijtoua Filipenses 2:3 niman nochipa ninokojtilia niknemilis ika oksekimej uejueyixtokej xijkon ken nejua. Yejuin nechpaleuiya maka san manitlanauatijto”.
12. ¿Tleka tlayekankej noneki yolyemankej yeskej?
12 Tlayekankej noneki yolyemankej yeskej, ijkon ken Jehová. Maski Jehová yejua akin Sal. 18:35; 113:6, 7). Niman Jehová “xkinmijyouiya on yejuan noueyimatij” (Prov. 16:5).
melak ueyixtika, kipaleuiya “on mayanki kampa sanoyej tlajyouiya” (13. ¿Tleka tlayekankej noneki kuajli kinemiliskej tlen kijtoskej?
13 Tlayekankej akin kinokauiliaj Jehová makinyekana noneki kuajli kinemiliskej tlen kijtoskej. Tla xijkon kichiuaj, uelis xkuajli tlanankiliskej ijkuak yakaj xkintlakaitas (Gál. 5:14, 15; Sant. 1:26). Andrew, akin yotikteneujkaj, kijtoua: “Kemantika, ijkuak nikmachilia ika yakaj xonechtlakaitak, chikauak niknankilisneki. San ika, nitlanemilia itech neskayomej tlen onka ipan Biblia, yejon yonechpaleui manikita ika melak noneki niyolyemanki yes”. Tlayekankej kiteititiaj ika kinokauiliaj Jehová makinyekana ijkuak kiteititiaj ika tetlasojtlaj niman ijkuak kualtsin kiminotsaj imikniuan niman oksekimej tlayekankej (Col. 4:6).
TLEN OKICHIUJ TEKIUAJ DAVID KINPALEUIYA TAJTIN
14. ¿Tlenon Jehová yokinnauati makichiuakan tajtin, niman tlenon kichia intech?
14 Jehová yokinnauati tajtin ika yejuamej makinyekanakan inchanejkauan niman kichia makinmachtikan niman makinyektlalikan inkoneuan (1 Cor. 11:3; Efes. 6:4). San ika, intlayekanalis tajtin san ontlami. Tajtin noneki tlanankiliskej ixpan Jehová pampa yejua akin okitlali familia (Efes. 3:14, 15). Tajtin kiteititiaj ika kinokauiliaj toTajtsin makinyekana ijkuak tlayekanaj ken toTajtsin kuelita. Tlen okichiuj David uelis melak kinpaleuis.
Teoyomej tlen kichiua se tajtli noneki kiteititis ika yolyemanki. (Xkimita párrafos 15 niman 16). *
15. ¿Tleka tlen okichiuj tekiuaj David melak kinpaleuiya tajtin?
15 Jehová xsan okitekitlali David makinyekana inchanejkauan, noijki okitekitlali makiyekana kalpan Israel. Pampa yejua tekiuaj katka, ueliya tlanauatiaya. San ika, kemantika xkuajli otlayekan niman okichiuj tlen melak xkuajli (2 Sam. 11:14, 15). Maski ijkon, okiteititi ika kinokauiliaya Jehová makiyekana pampa kiseliaya ijkuak kiyektlaliaya. Ika nochi iyojlo kinotsaya toTajtsin niman nokojtiliaya kichiuas tlen yejua kijliaya (Sal. 51:1-4). Noijki, melak yolyemanki katka pampa kinkakiya oksekimej tlakamej niman siuamej (1 Sam. 19:11, 12; 25:32, 33). Kilnamikiya kanon onopopolojka niman xok ijkon kichiuaya, niman nochipa okitekichiuili Jehová.
16. ¿Tlenon uelis kichiuaskej tajtin ijkon ken okichiuj David?
16 Matikitakan seki tlen nemejuamej akin nentajtin uelis nenkichiuaskej ijkon ken okichiuj tekiuaj David. Noneki nentlayekanaskej ken Jehová kuelita. Xselikan tla onemopopolojkej niman xselikan ijkuak mechpaleuiskej Deut. 6:6-9). Nemochanejkauan melak kipatiojkaitaskej ken kuajli nenkinyekanaj.
ika Biblia. Tla ijkon nenkichiuaj, nemosiuauj niman nemokoneuan mechtlakaitaskej pampa kitaskej ika nenyolyemankej. Noijki, ijkuak imiuan nenkichiuaskej teoyotl, ika nochi nemoyojlo xnotsakan Jehová. Ijkon, nemochanejkauan kitaskej ika melak nentlaneltokaj itech Jehová. Niman melak noneki nochipa xtekichiuilikan toTajtsin (TLEN OKICHIUJ MARÍA KINPALEUIYA NANTIN
17. ¿Tlenon Jehová yokinnauati makichiuakan nantin?
17 Jehová yokinnauati nantin makinyekanakan inkoneuan (Prov. 6:20). Tlen kichiuaj nantin uelis kinmachtis inkoneuan tlen xkeman kilkauaskej (Prov. 22:6). Matikitakan tlen nantin uelis nomachtiskej itech María, inan Jesús.
18, 19. ¿Tlenon uelis kichiuaskej nantin ijkon ken okichiuj María?
18 María kuajli kixmatiya iTlajtol toTajtsin. Melak kitlakaitaya Jehová niman melak kuajli iuan nouikaya. Okinokauili makiyekana maski yejon okichiuj melak manopatla inemilis (Luc. 1:35-38, 46-55).
Ijkuak se nantli melak siaujtika noso kualantika, kanaj nonekis más nokojtilis kimititis ichanejkauan ika kintlasojtla. (Xkita párrafo 19). *
19 Matikitakan tlen nantin uelis kichiuaskej ijkon ken okichiuj María. Kachtopa, xmomachtikan Biblia niman xkijlikan Jehová tlen mechajmana niman ijkon nochipa kuajli iuan nemouikaskej. Ika ome, xnektokan nenkipatlaskej tlen noneki niman ijkon uelis nenkiyolpaktiskej toTajtsin. Matikonteneuakan yejuin, kanaj nemotajuan nimantsin kualaniyaj niman mechtlaueltsajtsiliayaj. Kuakon, kanaj nemejuamej nenkinemiliayaj ika ijkon nonekiya nenkimiskaltiskej nemochanejkauan. Niman maski yonenuelkej kenon Jehová kineki xkintlajpiyakan nemokoneuan, kanaj nenkimachiliskej ouijtika xnimantsin nenkualaniskej, niman más ijkon nenkimachiliskej ijkuak nensiaujtoskej niman ijkuak nemokoneuan xmechtlakamatiskej (Efes. 4:31). Ijkuak ijkon nenkimachiliskej, xnotsakan Jehová. Se nantli itoka Lydia kijtoua: “Kemantika, melak niknotsa Jehová niman ijkon xniktlaueltsajtsilis nokoneuj ijkuak xnechtlakamati. Hasta kemantika noneki ninoteltis ijkuak nitlajtojtika niman san ichtaka niktlajtlanilis Jehová manechpaleui. Ijkuak ijkon nikchiua, ueli niyolseui” (Sal. 37:5).
20. ¿Tlenon kixnamikij seki nantin, niman tlenon uelis kinpaleuis?
20 Sekimej nantin kixnamikij okse itlaj, ouijtika kimachiliaj kimititiskej inkoneuan ika melak kintlasojtlaj (Tito 2:3, 4). Yejuin ijkon panoua pampa ijkuak pipitikej katkaj, intajuan xokimititijkej ika kintlasojtlaj. San ika, yejuamej xkipiya ika noijki ijkon kichiuaskej. Nantin akin kinokauiliaj Jehová makinyekana nonekis kimititiskej inkoneuan ika melak kintlasojtlaj. Kanaj ouijtika kitaskej kipatlaskej tlen kimachiliaj, kinemiliaj niman tlen kichiuaj, san ika, uelis kichiuaskej. Niman ijkon, yejuamej niman inchanejkauan más yolpakiskej.
NOCHIPA MATOKAUILIKAN JEHOVÁ MATECHYEKANA
21, 22. Ken kijtoua Isaías 65:13, 14, ¿kenon techpaleuis tla tokauiliaj Jehová matechyekana?
21 Tekiuaj David kimatstoya ika melak kipaleuiskia tla kinokauiliaya Jehová makiyekana. Yejua okijkuilo: “On sesekneka itlanauatiluan toTEKO sanoyej melajkej, pampa kitemakaj yolpakilistli. Itlanauatil toTEKO sanoyej kuajli ajsitikaj, xitlaj kipoloua, niman techititia ma tiktokakan on kuajli ojtli”. Niman noijki okijto: “Nejua nimotekitkau, nikmati tlinon nopan nochiuas tla xnikintlakamati motlanauatiluan. Niman tla nikintlakamati, ueyi tetlayokolijli nikpiyas” (Sal. 19:8, 11). Aman, uelis tikitaskej ika akin kinokauiliaj Jehová makinyekana melak sejneka nemij xijkon ken akin xkinokauiliaj makinyekana. Akin kinokauiliaj Jehová makinyekana xitlaj kinmajmana pampa nemij “ikan paktli ipan iminyojlo” (xpoua Isaías 65:13, 14).
22 Ijkuak tlayekankej, tajtin niman nantin kinokauiliaj Jehová makinyekana, yejon kichiua melak kuajli manemikan, inchanejkauan más yolpakij niman tokniuan ipan tlanechikojli san sekan nemij. Niman, tlen melak noneki, kiyolpaktiaj Jehová (Prov. 27:11). ¿Onka itlaj okse tlen melak matechyolpakti?
TLAKUIKAJLI 123 Matokauilikan matechyekana Jehová
^ párr. 5 Ipan yejuin tlamachtijli, tikitaskej tleka noneki matokauilikan ika Jehová matechyekana. Noijki, tomachtiskej itech tekiuaj Nehemías, tekiuaj David niman María, inan Jesús, niman tikitaskej tlenon uelis kinmachtis tlayekankej, tajtin niman nantin, niman nochimej akin tlayekanaj.
^ párr. 1 TLEN NONEKI MATIKMATIKAN: Miyekej xkuelitaj ika yakaj makinyekana pampa ijkon kinchiualtiaj matetlakamatikan. San ika, akin tikchiuaj ken Cristo xijkon tiknemiliaj, pampa yotikijtokej tiktlakamatiskej toTajtsin.
^ párr. 7 Ipan yejuin tlamachtijli, tokayomej yonopatlakej.
^ párr. 62 TLEN NESI IPAN TLAIXKOPINAJLI: Se tlayekanketl iuan ikoneuj tlayektlalijtinemij ipan Kajli kampa tosentlaliaj, ijkon ken Nehemías otlapaleui ijkuak onoyektlalijkej itepanuan Jerusalén.
^ párr. 64 TLEN NESI IPAN TLAIXKOPINAJLI: Se tajtli kichiua teoyotl imiuan ichanejkauan niman ika nochi iyojlo kinotsa Jehová.
^ párr. 66 TLEN NESI IPAN TLAIXKOPINAJLI: Se konetl melak youejkauj nauiltijtok niman xkichiua tlen okinauatijkej. Inan, akin melak yosiauj, kinotstok, san ika, xkualani niman xkitlaueltsajtsilia.