Tajtin noneki kinmachtiskej inkoneuan itech Jehová (Efes. 6:4). Ikalpan Jehová yokikixti miyek tlen uelis kinpaleuis tajtin ijkon makichiuakan. ¿Kenon uelis tiktekitiltis tlen yokis?

• Xnexti tlen tiktekitiltis. Ipan jw.org uelis tiknextis tlen yonochijchiuj para kokonej niman telpokamej, ompa uelis tikinnextis videos niman amamej kampa yejuamej uelis tlajkuiloskej. a Yejuin uelis tiknextis tla tikpachouilia kampa kijtoua “Tlamachtiltin itech Biblia” niman sakin kampa “Kokonej” noso “Telpokamej”.

• Kuajli xkita tlenon mitspaleuis. Ipan sección “Kokonej”, uelis tiktejtemos tlen tiknemilia más kipaleuis mokoneuj.

• Xtlajto iuan mokoneuj itech tlen nemomachtiaj. Maka xkititi mokoneuj se video noso okse itlaj tlen onka ipan jw san pampa tikneki ika mokoneuj maka san tlemach makichiujto. San sekan iuan xmomachti niman xpaleui manouika iuan Jehová.