MAKA SA MATITETLAUELITAKAN
1 | Maka xtechikoita
Biblia kijtoua:
“Dios xkichikoita se tlakatl iuan okse, yej kiselia san akinon yejuan kitlakaita niman kuajli nouika maski ualeua san katlejua país” (HECHOS 10:34, 35).
¿Tlenon kijtosneki?
Jehová * xtexchikoita san pampa oksekan tiualeuaj, ipampa ken titlachiaj noso ipampa ken otechiskaltijkej. Yejua san kita tlenon tiknemiliaj niman kenon tomachiliaj. Biblia kijtoua: “On tlakamej san kitaj itlachalis sen tlakatl, yejua ika nixkajkayauaj, pero nejua [Jehová] nikita iyojlo” (1 Samuel 16:7).
Xyejyeko xchiua yejuin:
Maski xuelis tikitaskej tlenon onka ipan inyojlo oksekimej, kema uelis xtitechikoitaskej ijkon ken Jehová xtechikoita. Maka xnemili ika nochimej san noijki kichiuaj. Xyejyeko xkimixmati. Tla tikita ika tikinchikoita oksekimej pampa oksekan ualeuaj noso ipampa ken tlachiaj, xtlajtlanili toTajtsin mamitspaleui maka ijkon xtlanemili (Salmo 139:23, 24). Kuajli xmatsto ika yejua mitspaleuis (1 Pedro 3:12).
^ ToTajtsin itoka Jehová (Éxodo 15:3).
“Xkeman kuajli ninouikaya niman nitlakuaya iuan yakaj akin chipauak katka. Aman nikinpiaya melak miyekej nokniuan akin miyekan ualeuayaj” (TITUS).
