1. 1. SATANÁS. Satanás yejua akin kichiua manotlauelitalo. ToTajtsin kipopolos Satanás niman noijki kinpopolos nochimej akin tetlauelitaj (Salmo 37:38; Romanos 16:20).

2. 2. AKIN KINOKAUILIAJ MAKINYEKANA SATANÁS. ToTajtsin kinpopolos nochimej akin kichiuaj manotlauelitalo, ken políticos niman teopixkej. ToTajtsin noijki kichiuas maka sa manotekitilti tomin ken aman notekitiltia. Miyekej melak tlajyouiyaj ipampa yejuin pampa kintominkixtiliaj (2 Pedro 3:13).

3. 3. TLAJTLAKOJLI. Biblia kijtoua ika pampa tinochimej titlajtlakolejkej, kemantika tiknemiliaj, tikmachiliaj noso tikchiuaj tlen xkuajli (Romanos 5:12). Niman kemantika, pampa titlajtlakolejkej, hasta titetlauelitaj. San ika, toTajtsin kipopolos tlajtlakojli niman ijkon xok keman titetlauelitaskej (Isaías 54:13).

1. 1. XOK YAKAJ KICHIUILISKEJ TLEN XKUAJLI. ITekiuajyo toTajtsin kuajyekantos tlaltikpaktli desde ne iluikak. Yejuin se gobierno tlen xkeman popoliuis niman kichiuas tlen kuajli (Daniel 2:44). ToTajtsin kichiuas maka sa manochikoitalo, manotlauelitalo niman kinpaleuis nochimej akin aman tlajyouijtokej (Lucas 18:7).

2. 2. NOCHIMEJ YOLSEUJTOSKEJ. Xok yakaj tlajyouis pampa xok nochiuaskej guerras niman xok onias tlen xkuajli (Salmo 46:9). Nochimej melak kuajli nemiskej ipan yejuin tlaltikpaktli pampa xok yakaj tetlauelitas (Salmo 72:7).

3. 3. MELAK KUALTSIN KEN TICHANTISKEJ. Nochimej melak tetlasojtlaskej (Mateo 22:39). Xok titlajyouiskej, nion xtikilnamikiskej tlen yeuejkaui topan onochiujka (Isaías 65:17). Ijkuak xok yakaj tetlauelitas, nochimej “pakanemiskej ikan yolseuilistli pampa xitlaj kimpajsolos” (Salmo 37:11).

¿Tikuelitaskia tichantis kampa xok yakaj tetlauelitas? Ipan yejuin tonaltin, iteixpantijkauan Jehová nokojtiliaj xtetlauelitaskej. ¿Kenon kichiuaj? Kitlakamatij tlen temachtia Biblia (Salmo 37:8). Maski xsan noijki tlachiaj niman xsan noijki ken onoskaltijkej, nochimej noitaj ken se familia niman melak notlasojtlaj (Isaías 2:2-4).

Iteixpantijkauan Jehová melak kuelitaskiaj mitsmachtiskej tlen youelkej ipan Biblia niman ijkon mitspaleuiskej xtlaxiko ijkuak mitschiuiliskej tlen xkuajli noso ijkuak mitschikoitaskej. Tlen tejua tiueltias mitspaleuis maka sa xtetlauelita niman kichiuas más xtetlasojtla. Tikitas kenon uelis nochimej kuajli tikinnotsas, maski hasta akin mitstlauelitaj noso akin xkuajli mitsnotsaj. Yejuin mitspaleuis más xyolpaki niman más kuajli xmouika imiuan oksekimej. Niman más tiyolpakis ijkuak tikmatis tlenon uelis tikchiuas niman ijkon tinemis ipan se kualtsin tlaltikpaktli kampa tlayekanas iTekiuajyo toTajtsin niman kampa xok yakaj tetlauelitas (Salmo 37:29).