ITECH TLEN TLAJTOUA IXPAN | ¿UELIS MITSPALEUIS TLA TIKNOTSA TOTAJTSIN?
Tiknotsas toTajtsin, ¿kenon mitspaleuis?
Ijkuak itlaj yenkuik tikpeualtis tikchiuas, kanaj timotlajtoltia: “¿Kenon nechpaleuis?”. ¿San motech titlanemilia tla yejon timotlajtoltia ijkuak tiknotsa toTajtsin? Ka. Kuajli tla tiknekij tikmatiskej kenon techpaleuis ijkuak tiknotsaskej toTajtsin. Hasta Job otetlajtolti: “Tla nejua niknotsas, ¿nechnankilis?” (Job 9:
Ipan tlamachtijli tlen yopanok otikitakej ika xsan timomatis ijkon tikchiuas tla tikpiya se tlaneltokijli noso san ika kuajli timomachilis. ToTajtsin akin melauak kikaki ijkuak tiknotsaj. Tla tiknotsaj ken kineki niman tiktlajtlaniliaj tlen kuelita, yejua techkaki. Niman hasta techijlia matiknisiuikan (Santiago 4:8). Kuakon, ¿tlenon uelis panos tla nochipa tiknotsaj toTajtsin? Matikitakan.
Tikseliskej yolseuilistli
Ijkuak tikpiyaj tlauejli noso itlaj tikixnamikij noso tiajmankamikij, Biblia techijlia yejuin: “Nochipa xchiuakan oración” niman “xtlajtlanilikan Dios” nochi tlen mechpoloua (1 Tesalonicenses 5:
“Xkontlajkali motlamamal ipan Jehová, niman yejua mitspaleuis” (Salmo 55:
Ipan nochiuiyan tlaltikpaktli, melak miyekej tlaltikpakchanejkej ijkon kimachiliaj ijkuak kinotsaj toTajtsin. Se siuatl akin chanti Corea del Sur, itoka Hee Ran, kijtoua: “Maski nikpiya tlaueltin, ijkuak niknotsa toTajtsin nikmachilia kentla niknokixtilia tlen melak yetik niman ueli niauj ika tlayekapan”. Cecilia, akin chanti Filipinas, techijlia: “Melak ninajmana ipampa noichpokauan niman noijki ipampa nonan, akin nion xok nechixmati pampa kipiya se kokolistli. Ijkuak niknotsa toTajtsin ueli nikixnamiki nochi yejuin niman sakin kuajli ninomachilia. Nikmatstika ika Jehová nechpaleuis manikintlajpiya”.
Tiyolseuij niman techyolchikaua ijkuak ouijtika tipanotokej
¿Melak tiajmankamiki, timomojtia itlaj mamitschiuilikan noso itlaj tikixnamiktika? Tla tiknotsa 2 Corintios 1:
Tikseliaj itlamachilis toTajtsin
Tlen tiktlapejpeniaj uelis kipatlas ken tejuamej tinemij niman tochanejkauan. ¿Tlenon uelis tikchiuaskej niman ijkon maka matopopolokan itech tlen tiktlapejpeniaj? Biblia kijtoua: “Tla semej nemejuamej xnenkimatij on tlen kuajli nenkichiuaskej, xtlajtlanilikan Dios kuajli tlamatkilistli [tlamachilistli], niman yejua mechmakas” (Santiago 1:5). Tla tiktlajtlaniliaj matechmaka tlamachilistli, kitekitiltis iespíritu santo niman ijkon techpaleuis kuajli matiktlapejpenikan tlen tikchiuaskej. Jesús kuajli okijto ika “[to]Tajtsin iluikak chanej kinmakas Espíritu Santo on yejuan kitlajtlaniliskej” (Lucas 11:
Jesucristo noijki okitlajtlanili iTaj makipaleui ijkuak kitlapejpeniskia tlen kichiuaskiaj itech tlen melak noneki. Biblia kijtoua ika ijkuak okintlapejpeni 12 itlatitlankauan “nochi tlayoua okichiu oración itech Dios” (Lucas 6:
Ijkon ken Jesús, miyekej tlaltikpakchanejkej yolseuij ijkuak kitaj kenon toTajtsin yokinpaleui kuajli makitlapejpenikan tlenon kichiuaskej. Regina, akin chantij Filipinas, techijlia miyek tlauejli tlen yokixnamik. Kintlakualtis ichanejkauan ijkuak omik iueuentsin, okipolo itekiyo niman san iselti kimiskaltiskia ichpokauan. ¿Tlenon okipaleui kuajli makitlapejpeni tlenon kichiuas? Yejua kijtoua: “Ninopaleuiya itech Jehová ijkuak niknotsa”. Kwabena, akin chanti Ghana, techijlia tleka kitlajtlanilia toTajtsin makipaleui: “Nejua nikpiaya se tekitl kampa kuajli nechtlaxtlauiliayaj. San ika, onechkuilijkej. Ijkuak nonekiya niktlapejpenis tlenon nikchiuas, nochipa oniknots toTajtsin Jehová manechpaleui. Kuajli nikmatstika ika Jehová onechpaleui kuajli maniktlapejpeni se tekitl tlen uelis ika ninotlakualtis niman manikchiua itekiyo toTajtsin”. Tejua noijki uelis tiknotsas toTajtsin mamitsyekana itech tlen tiktlapejpenis ijkuak itlaj uelis kijtlakos ken iuan timouika.
San yotikteneujkej seki ken uelis mitspaleuis ijkuak tiknotsas toTajtsin. (Xkita okseki ipan recuadro “ Ken techpaleuiya ijkuak tiknotsaj toTajtsin”.) San ika, tla tikneki mamitspaleui teoyotl noso ijkuak tiknotsas toTajtsin, noneki tikixmatis niman tikmatis tlen kijtoua kichiuas. ¿Tleka xtitlajtoua iuan se iteixpantijkauj Jehová niman ijkon mamitspaleui xkixmati Biblia? * Ijkon uelis peuas timonisiuis itech akin “Akin [ki]kaki teoyotl” (Salmo 65:2).
^ párr. 14 Tla tikneki tikmatis okseki, xkintlajkuilouili iteixpantijkauan Jehová noso xkalaki ipan Internet www.pr418.com.