¿Tleka miyekej xok notlakaitaj san no yejuamej?
TLEKA MELAK NONEKI SAN NO TEJUA TIMOTLAKAITAS
Akin san no yejua notlakaita, ijkuak kixnamiki se tlauejli, más paki niman tlaxikoua.
-
Ixtlamatkej yokitakej ika akin xnopatiojkaitaj, uelis más ajmankamikiskej, noyolajmanaskej niman xkuajli notlakualtiskej. Noijki, uelis peuaskej más koniskej alcohol, kitekitiltiskej miyek medicamentos niman drogas.
-
Akin san no yejua notlakaita xsan kitstika tlen oksekimej uelij kichiuaj niman tlen yejua xueli kichiua. Niman yejon kipaleuiya kuajli manouika imiuan oksekimej niman maka makinpolo iamigos. San ika, akin xmás notlakaita, más tetejteneua niman yejon kichiua maka kuajli manouika imiuan oksekimej.
-
Akin san no yejuamej notlakaitaj, uelij tlaxikouaj niman xnosiaujkauaj. San ika, akin xmás notlakaitaj, maski san achijtsin nopopolouaj, kitaj kentla melak ueyi onopopolojkej niman nosiaujkauaj.
TLEN TEJUA UELIS TIKCHIUAS
Xkintlapejpeni moamigos akin uelis mitspaleuiskej. Xmouika imiuan akin tetlakaitaj, akin yemelak mitstlasojtlaskej niman akin uelis mitspaleuiskej ipan monemilis.
Xkinpaleui oksekimej. Tejua melak tiyolpakis niman tikmachilis ika titepaleui tla kuajli titenotsa niman tikinchiuilia tlen kuajli oksekimej, maski tla kanaj yejuamej xuelis ijkon kichiuaskej mopampa. Ijkon timomachilis maski tla nesiskia ika oksekimej xkitlasojkamatij tlen tikchiua inpampa.
Xkinpaleui mokoneuan san no yejuamej manotlakaitakan. Uelis ijkon tikchiuas tla tikinkauilia mokoneuan san no yejuamej makiyektlalikan tlen kixnamikij hasta kampa yejuamej ueliskej. Ijkon yejuamej tlaxikoskej ijkuak kixnamikiskej tlen xkuajli. Niman noijki, yejon kichiuas san no yejuamej manotlakaitakan, itlaj tlen kinpaleuis ijkuak iuejueyimej yeskej.
TLEN TIKCHIUAJ AKIN TIITEIXPANTIJKAUAN JEHOVÁ
Intlanechikoluan niman ken temachtiaj Biblia iteixpantijkauan Jehová kinpaleuiya oksekimej más kuajli manemikan niman san no yejuamej manotlakaitakan.
TOTLANECHIKOLUAN
Ipan totlanechikoluan tlen tikinpiyaj cada semana, tikinkakij tlamachtiltin tlen nokixtiaj ipan Biblia. Tlen ompa techijliaj techpaleuiya san no tejuamej matotlakaitakan. Xtlaj tiktlaxtlauas tla ompa tontlakakis, niman san akinon uelis yas. Ompa tiuelis miyek tlemach, ken yejuin:
-
Tleka toTajtsin mitstlasojtla
-
Tlenon mitspaleuis yemelak xyolpaki
-
Tlenon mitspaleuis xkinnexti akin nochipa kuajli imiuan timouikas
Ompa noijki tikinnextis akin yemelak moamigos yeskej, akin notlasojtlaj imiuan oksekimej (1 Corintios 12:25, 26).
Tla okseki tikneki tikmatis itech totlanechikoluan, xkalaki ipan jw.org niman xkita video ¿Tlenon nochiua kampa tosentlaliaj?
KEN TITEMACHTIAJ BIBLIA
Tejuamej titemachtiaj ika libro ¡Nochipa uelis tiyolpakis!, niman xtlaj kitlaxtlauaj akin tikinmachtiaj. Yejuin amatlajkuilojli kinuajkui seki tlajtoltilistin tlen mitstlanemililtiskej niman mitspaleuiskej xkimasikamati seki textos itech Biblia. Nochi tlen ompa ijkuiliujtok nimantsin tikasikamatis. Niman noijki kinpiya videos niman tlaixkopinaltin tlen melak kualtsitsintin. Yejuin tlamachtijli itech Biblia kinpaleuiya akin nomachtiaj manopatiojkaitakan niman más kuajli manemikan.
Tla tikneki tikmatis kenijki uelis mitspaleuis timomachtis Biblia imiuan iteixpantijkauan Jehová, xkalaki ipan jw.org niman xkita video ¿Tleka noneki timomachtis Biblia?
Puede que también le interese
TOTECHKOPA
Xteijli mamitstlajpalotij
Xkita tlen Biblia temachtia noso xmati más itech iteixpantijkauan Jehová.
TOTECHKOPA
Xuiya se tlanechikojli
Xmati okseki itech totlanechikoluan. Xkita kanon nosentlaliaj iteixpantijkauan Jehová kampa tejua tichanti.
