Ijkon okijtojkej sekimej ixtlamatkej. Tla tejua tikneltoka ika nemi se toTlachijchiujkauj akin kineki techpaleuis, kuakon, tlen okijtojkej yejuin ixtlamatkej kanaj omitsilnamikti ika toTajtsin okichijchiuj yejuin tlaltikpaktli para san noyejua manoyektlalijtiuj.

Kemantika tlaltikpaktli xok ueli san noyejua noyektlalia pampa melak yotikijtlakojkej. ¿Tlenon uelis techpaleuis matikmatikan ika toTajtsin uelis kimakixtis tlaltikpaktli niman nochi tlen kipiya?

Textos tlen uajnestiuej ipan recuadro kuajli techititiaj ika tlaltikpaktli xkeman popoliuis niman ika nochipa ompa chantilos.

• ToTajtsin okichijchiuj tlaltikpaktli. “Ijkuak nochi kemach opeu onkaj, Dios okichijchiu on cielo [niman] on tlaltikpaktli” (Génesis 1:1).

• ToTajtsin itlatki tlaltikpaktli. “ToTEKO [Jehová a] iyaxka nochi in tlaltikpaktli, niman nochi on tlen onkaj” (Salmo 24:1).

• ToTajtsin okitlali yejuin tlaltikpaktli para maka keman mapopoliui. “Otiktlalij in tlaltikpaktli ipan icimientos para maka kaman ma nejkuani” (Salmo 104:5).

• ToTajtsin kijtoua ika ipan tlaltikpaktli nochipa onias nemilistli. “On toTEKO Dios yejuan okichijchiu on cielo, yejuan okichijchiu in tlaltikpaktli, niman kuajli okitlalij xpara san ijki onyas, yej para ipan ma chantikan” (Isaías 45:18).

• ToTajtsin kijtoua ika ipan tlaltikpaktli nochipa chantilos. “On yolmelajkej tlakamej kinmakaskej on kuajli tlajli, para ipan chantiskej nochipa” (Salmo 37:29).

Tla tejuamej kuajli tiktekitiltiaj tlen onka, tlaltikpaktli uelis kuajli tekitis ijkon ken toTajtsin okichijchiuj. Biblia kijtoua ika toTajtsin Jehová yokijto kemanon kipopolos nochi tlen kijtlakoua tlaltikpaktli (Apocalipsis 11:18).

Biblia kijtoua ika ijkuak toTajtsin kipopolos nochi tlen kijtlakoua tlaltikpaktli, kikualtsintilis. Noijki kinteochiuas niman kinmakas nochi tlen kinekij akin ompa chantiskej (Salmo 145:16).