5 ¿Ajsis tonajli ijkuak xok titlajyouiskej?
¿Tleka melak noneki matikmatikan?
Tla tikneltokaj ika ajsis tonajli ika xok titlajyouiskej kichiuas matiknemilikan tlen tepaleuij niman noijki kuajli matitlanemilikan itech toTajtsin.
Xkonnemili yejuin
Miyekej kinekij kipopoloskej tlen techtlajyouiltia, san ika, xuelij kipopolouaj. San xkita yejuin:
Maski tepajtikej youelkej miyek itech kokolistin...,
-
... ipan nochi tlaltikpaktli miyekej mikij pampa noteltia inyoltsin.
-
... ipan nochi xiujtin miyekej mikij pampa kimajsi cáncer.
-
... “ipan nochi tlaltikpaktli miyekej kimajsitikaj kokolistin tlen temauaj. Noijki youajneskej yenkuikej kokolistin tlen temauaj noso youajnonextijkej okseki kokolistin tlen kinemiliayaj ika yopopolijkaj”, ijkon okijkuilo ixtlamatki David Bloom ipan revista Frontiers in Immunology.
Maski seki países melak yonotomintijkej...,
-
... ipan nochi xiujtin melak miyekej kokonej mikij, niman más ipan países kampa xkipiyaj tomintsin.
-
... miyekej chantij kampa melak tlatsokuilkan.
-
... melak miyekej xkipiyaj atl tlen chipauak.
Maski itikmatstokej tlenon tikchiuaskej ijkuak itlaj xkuajli texchiuiliaj...,
-
... ipan miyek países ok kinnemakaj tlaltikpakchanejkej. Naciones Unidas okijto ika yejuin países xkiyektlaliaj yejuin tlauejli pampa xkitaj tlen panotika noso xkimatij kenon kiyektlaliskej.
TLA OKSEKI TIKMATISNEKI
Xkita video ¿Tlenon kijtosneki iTekiuajyo toTajtsin?, tlen onka ipan jw.org.
Tlen Biblia kijtoua
ToTajtsin kineki techpaleuis
ToTajtsin najmana ijkuak titlajyouiyaj.
ToTajtsin “xkinchichiua nion xkinchichiita intlajyouilis yejuan mayankej, niman xniyana de yejuamej. ¡Yej kaki ijkuak se kinotsa para ma kipaleui!” (SALMO 22:24).
“Xmaktilikan Dios nochi on tlajtlamach yejuan mechyolpajsolou[a] pampa yejua kineki mechpaleuis” (1 PEDRO 5:7).
Xnochipa titlajyouijtoskej
Biblia techijlia ika toTajtsin kichiuas ika maka sa matitlajyouikan.
ToTajtsin “kimpopouilis nochi iminixayo, niman xok onyas mikilistli, nion chokistli, nion ajmantli” (APOCALIPSIS 21:3, 4).
ToTajtsin kipopolos nochi tlen techtlajyouiltia
Yejuin kichiuas itechkopa iTekiuajyo, ijkon ken kijtoua Biblia.
“Dios yejuan nemi ne iluikak kipeualtis sen reinojyotl yejuan xkaman kixoxotoniskej nion yakaj nación kikuilis [...] niman ireinojyo nokauas para nochipa” (DANIEL 2:44).
