¿Uelis kijtoskej científicos kenijki otiuajnemikoj niman kenijki ouajnes universo? Ka, xuelij. Miyekej kinemiliaj ika akin nomachtiaj cosmología uelis kimatiskej kenijki ouajnes universo. San ika, Marcelo Gleiser, akin temachtia Astronomía ipan Universidad de Dartmouth, niman akin san kineltoka tlen kita, kijtoua: “Ok xtikmatij kenijki onochijchiuj universo”.

¿Niman kenijki onesiko nochi tlen yoltika? Revista Science News kijtoua: “Kanaj xkeman uelis tikmatiskej kenijki otinemikoj ipan yejuin tlaltikpaktli. Yeuejkaui opopoliuj nochi tlen ueliskia techpaleuis matikmatikan kenijki onochijchiuj nochi”. Yejuin ome tlen yotikinteneujkej techititia ika científicos ok xuelij kijtouaj kenijki onochijchiuj niman kenijki ones nochi tlen yoltika.

Kanaj timotlajtoltia: “¿Akinon okichijchiuj yejuin tlaltikpaktli? Tla nemi yakaj akin tlamachilise akin otexchijchiuj, ¿tleka techkauilia matitlajyouikan? ¿Tleka kitekauilia maonia miyek religiones? ¿Tleka kitekauilia ika miyek religiones makichiuakan tlen xkuajli?”.

Científicos xuelij kinankiliaj yejon. San ika, miyekej yokitakej ika Biblia kema kinankilia.

Sekimej científicos yokitakej tlen Biblia kijtoua. ¿Tikuelitaskia tikmatis tleka yokasikamatkej ika nemi yakaj akin otexchijchiuj? Xuiya ipan jw.org niman xtejtemo “Ken nonemilia ika ouajpeuj nemilistli”.