Ipan motlalnakayo
Maski Biblia xtlajtoua itech kenon timopajtis, uelis mitspaleuis maka xkualo. Xkimita seki textos tlen mitspaleuiskej kuajli xnemi.
XCHIUA TLEN MITSPALEUIS
TLEN BIBLIA TECHMACHTIA: “Xakaj nemi yejuan xkitlajsojtla itlalnakayo, yej kitlakualtia niman cuidaroua” (Efesios 5:29).
TLEN KIJTOSNEKI. Yejuin texto tlen uajlauj ipan Biblia techijlia ika matotlajpiyakan niman ijkon maka tikualoskej. Miyekej ixtlamatkej yokitakej ika miyek kokolistin techajsij pampa tikchiuaj miyek tlen techijtlakoua. Kuakon, tla tomatij tikchiuaskej tlen techpaleuiya, kuajli tomachiliskej.
TLEN UELIS TIKCHIUAS
-
Kuajli xkita tlenon tijkua. Xtlapejpeni tlakuajli tlen tikitas ika tepaleui niman miyekpa xkoni atl.
-
Xchiua ejercicio. Tla tikchiua ejercicio mitspaleuis kuajli xnemi maski tla itiueyi noso titelpochtli, noijki uelis kinpaleuis akin itlaj xuelij kichiuaj noso kipiyaj se kokolistli tlen xueli pajti. Mochanejkauan noso se tlapajtiketl uelis mitspaleuiskej xchiua ejercicio, san ika, tejua akin noneki timokojtilis tikchiuas.
-
Kuajli xkochi. Tla tejua xtikochi nochi horas tlen noneki, uelis kichiuas mamitsajsikan ueyi kokolistin. Miyekej xuejkauij kochij pampa kinekij kichiuaskej miyek tlemach. Akin kuajli kochij, kuajli nomachiliaj.
XKAJKAUA TLEN MITSIJTLAKOUA
TLEN BIBLIA TECHMACHTIA: “Ma tikixtikan ipan totlalnakayo [...] nochi on tlen techijtlakoua” (2 Corintios 7:1).
TLEN KIJTOSNEKI. Xtikualos tla xtijkui tlen uelis kijtlakos motlalnakayo, ken tabaco, tlen kichiua ika melak miyekej makualokan niman mamikikan.
TLEN UELIS TIKCHIUAS. Xkijkuilo ipan calendario tlen tonajli tikneki tijkajkauas ika tipoki niman xkimijli akin tikmati ika mitspaleuiskej xkajkaua. Achto ika ajsis yejon tonajli, xkintlajkali nochi cigarros niman nochi tlen uelis kichiuas oksejpa xpoki. Maka xuiya kampa tikmati ika pokilo.
OKSEKI TLEN BIBLIA TECHMACHTIA
Kampa tichanti uelis tiktlajtoltis se iteixpantijkauj Jehová kenon tiknextis se Biblia ika motlajtol.
XNEMILI TLEN UELIS PANOS
“Ijkuak yakaj kichijchiuas sen kajli yenkuik, noneki kitlalilis tlapani sen tepantsintli iyeualkan, para ijkon xakaj uajuetsis, niman ichanejkauan xkintlajtlakoltiskej tla yakaj miki” (DEUTERONOMIO 22:8).
XTELTI MOTLAUEL
“Yejuan xniman kualani kiteititia ika kipiya miyek tlamachilistli, pero yejuan niman kualani kiteititia ika xnejli kimati” (PROVERBIOS 14:29).
MAKA SAJNOYE XTLAKUA
“Maka xmouika iminuan on [...] sanoyej tlakuatemej” (PROVERBIOS 23:20).
