Nochi xiujtin, miyekej tokniuan itech nochi tlaltikpaktli akin chikauak tenojnotsaj yauej ipan iTlamachtil Galaad de la Watchtower, tlen nochiua ipan Centro Educativo de la Watchtower ne Patterson (Nueva York). a Akin yauej ipan yejuin escuela, kinmachtiaj kenon uelis más kuajli kichiuaskej se tekitl ipan ikalpan toTajtsin. Tlamachtijli tlen ompa kiseliaj kinpaleuiya niman kinchikaua tlanechikoltin niman sucursales ipan nochi tlaltikpaktli.

 Ipan Galaad kinmachtiaj akin ualeuaj itech nochiuiyan tlaltikpaktli. Ipan clase 147, tlen onochiuj ipan 2019, nemiyaj 56 nomachtijkej tlen ualeuayaj itech 29 países. Akin kiseliaj yejuin tlamachtijli itekititokej ken betelitas, misioneros, precursores especiales noso tlayekankej ipan circuito.

 Achto peuas yejuin tlamachtijli nochiua miyek tekitl. Departamento de Viajes de la Central Mundial kinkouilia boletos de avión akin kinnotsaj manomachtitij. Ipan clase 147, boleto de avión tlen ika ajsiskia Patterson niman tlen ika nokuepaskia se nomachtijketl, okikoujkej ika 1,075 dólares. Akin ualeuayaj islas Salomón ononek kikouaskej naui boletos para ajsiskej Patterson, niman sakin okse yeyi tlen ika nokuepaskej. Ika nochi oyajkej más de 35,400 kilómetros (22,000 millas) para ajsiskej. Se boleto onokouj ika 2,300 dólares. Departamento de Viajes kikui se programa tlen kinpaleuiya makinkouakan boletos tlen xmás patiojkej, ijkon xmiyek tomin nopopoloua. Maski kinnextia boletos, yejon programa ok kitejtemoua miyek semanas noso metstin boletos tlen xmás patiojkej. Departamento de Viajes noijki kikui créditos de aerolínea noso millas de viajero frecuente akin sekimej kitetlayokoliaj.

 Miyekej nomachtijkej noneki kipiyaskej se visa para kalakiskej Estados Unidos. Ika yejon, Departamento de Asuntos Legales de la Central Mundial kinpaleuiya makipiyakan se visa de estudiante. Nopopoloua 510 dólares para nokixtis san se visa.

 ¿Kenon techpaleuiya nochi tlen kinmachtiaj yejuin tokniuan? Hendra Gunawan tekiti ken tlayekanketl ipan se tlanechikojli del Sureste Asiático kampa nosentlalia se tokniuj iuan isiuauj akin oyajkaj Galaad. Yejua kijtoua: “Achto xnemiyaj precursores regulares ipan totlanechikol. San ika, ijkuak oyejkokej yejuin tokniuan niman oksekimej okimitakej kenon yolpakiyaj ijkuak tenojnotsayaj, yejon okichiuj ika oksekimej manochiuakan precursores. Niman sakin, se tokniuj siuatl akin nemi ipan totlanechikol, okiseli Tlamachtijli tlen kiseliaj Akin Tenojnotsaj itech iTekiuajyo toTajtsin”.

 Sergio Panjaitan tekiti imiuan sekimej akin oyajkaj Galaad ipan se sucursal del Sureste Asiático. Yejua kijtoua: “Tlamachtijli tlen okiselijkej yejuin tokniuan xsan yejuamej yokinpaleui, noijki tejuamej. ¡Miyek tlen okinmachtijkej! San ika, yejuamej xnoueyimatij, kinmachtiaj oksekimej tlen ouelkej. Yejuin techyolchikaua, niman tejuamej tikinyolchikauaj oksekimej”.

 ¿Kenon notlaxtlaua tlen nopopoloua ipan yejuin escuela? Ika donaciones tlen nochiua ipan obra mundial. Niman tlamantik ken uelis tikchiuas ijkon ken nesi ipan donate.pr418.com. Tiktlasojkamatij donaciones tlen nenkitemakaj ika nochi nemoyojlo. Ijkon ueli nopanoltia yejuin escuela.