Xkita tlen okijtokej sekimej akin tlayekanaj ipan religión itech on guerra tlen panotika Ucrania.

•   “Kirill, akin tlayekana ipan Iglesia ortodoxa rusa, xtlaj kijtoua itech tlen nochiujtok ne Rusia […]. Nochi tlen kijtouaj itech Ucrania akin nemij ipan Iglesia tlen yejua kiyekana, san kipaleuiya Putin para makijto ika noneki maonia guerra” (EUobserver, 7 de marzo de 2022).

•   “Kirill […] kijtoua ika ne Ucrania onka guerra para mapopoliui tlajtlakojli. Yejuin tlen yokimelajkaijto para kiteititis ika ipaís kema uelis kixnamikis Ucrania” (AP News, 8 de marzo de 2022).

•   “Epifanio I de Kiev, akin tlayekana ipan Iglesia ortodoxa ucraniana, okiteochiuj ipueblo yejuin lunes niman okimijli makimixnamikikan rusos. Noijki, okijto ika xtlajtlakojli tla kinmiktiaj soldados rusos” (The Jerusalem Post, 16 de marzo de 2022).

•   “Ipan 24 de febrero de 2022, Declaración del Consejo de Iglesias y Organizaciones Religiosas de Ucrania, a okijto: ‘Tejuamej tikinpaleuiyaj Fuerzas Armadas de Ucrania niman nochimej akin techpaleuiyaj. Tiktlasojkamatij nochi tlen kichiuaj para kimanauiskej Ucrania niman tiktlajtlaniliaj toTajtsin makinpaleui’”.

 ¿Tlenon tiknemilia? ¿Tiknemilia ika akin kijtouaj ika kichiuaj ken Cristo noneki kimijliskej oksekimej mauiyan guerra? ¿Tlenon kijtoua Biblia?

Tlen desde yeuejkaui yokuajchiujtia religión ipan guerra

 Yonoitak ika desde yeuejkaui, Iglesias tlen kijtouaj ika kinekij nochimej ika inyojlo manemikan yotepaleuijkej, yokijtokej ika uelis nochiuas guerra noso hasta yokiteijlikej ika noneki manochiua. Iteixpantijkauan Jehová desde yeuejkaui yokuajteijlitiakej ika xkuajli tlen kichiuaj yejuin religiones. Xkita tlen yonoijto ipan seki toamatlajkuiloluan:

•   Artículo “Las cruzadas: ‘trágica ilusión’” kijtoua ika Iglesia católica romana melak otepaleui para miyekej makinmiktikan.

•   Artículo “La Iglesia Católica y África” kiteititia ika religión xouel otepaleui para maka manoixnamikikan seki kalpamej niman para maka manomiktikan.

•   Artículos “¿Tiene la culpa la religión?”, “El papel de la religión en las guerras” niman “La religión toma partido” kiteititiaj ika sekimej akin kinyekanaj católicos, ortodoxos niman protestantes yotlapaleuijkej para maonia guerra.

¿Noneki tepaleuiskej ipan guerras Iglesias tlen kijtouaj ika kichiuaj ken Cristo?

 Tlen Jesús otemachti: “Xkintlajsojtla oksekimej no ijki ken tejua timotlajsojtla” (Mateo 22:39). “Xkintlajsojtlakan on nemotlauelikniuan” (Mateo 5:44-47).

 Tlen Jesús otemachti: “Nejua xnitlamandaroua nikan ipan in tlaltikpaktli ken se rey. Tla nitlamandaroskia nikan, on yejuan nouan kistinemij nechmanauiskiaj para nejua xnechtemakaskiaj” (Juan 18:36). “Nochimej yejuan temiktiaj ikan espada, no ikan espada mikiskej” (Mateo 26:47-52).

 Xnemili yejuin: Tla inomachtijkauan Jesús xnonekiya tlaixnamikiskej para kipaleuiskej inTeko, ¿kuajli yeskia tla teixnamikij san ipampa itlaj okse? Tla tikneki tikitas tlen okichiujkej inomachtijkauan Jesús akin itech oyolmelajkanenkej niman okitlakamatkej tlen okinmachti, xkita tlamachtijli “El cristianismo y la guerra: ¿son compatibles?”.

¿Tlenon kinchiuiliskej religiones tlen tlapaleuiyaj ipan guerra?

 Biblia kiteititia ika toTajtsin xkinselia religiones tlen kijtouaj ika kichiuaj ken Cristo, pero xmelauak kichiuaj tlen otemachti (Mateo 7:21-23; Tito 1:16).

•   Libro Apocalipsis kiteititia ika toTajtsin kijtoua ika yejuin religiones kipiyaj tlajtlakojli ipampa tlen okinchiuilijkej “nochimej on yejuan no okinmiktijkej nochiuiyan ipan in tlaltikpaktli” (Apocalipsis 18:21, 24). Tla tikneki tikmatis tleka, xkita tlamachtijli “¿Qué es Babilonia la Grande?”.

•   Jesús okijto ika toTajtsin xkinselia nochi yejuin religiones niman ika kinpopolos ipampa nochi on tlen xkuajli kichiuaj. Kinchiuiliskej ijkon ken se “kojtlakijlotl yejuan xkuajli kipiya itlakyo, kitsontekij niman kitlatiaj” (Mateo 7:15-20). Tla tikneki tikmatis kenon nochiuas yejuin, xpoua tlamachtijli “¡Se acerca el fin de la religión falsa!”.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images