Touan xkilnamiki imikilis Cristo
Sábado 12 de abril de 2025
Sejse xiuitl, iteixpantijkauan Jehová nosentlaliaj para kilnamikiskej imikilis Jesucristo. Ijkon kichiuaj pampa yejua okijto: “Xchiujtokan yejuin niman ijkon xnechilnamikikan” (Lucas 22:19, TNM).
Timitsnotsaj touan xmosentlali.
Tlen miyekej notlajtoltiaj
¿Kech uejkaui?
Kanaj se hora.
¿Kanon nosentlaliskej?
Xtlajtolti se iteixpantijkauj Jehová niman ijkon tikmatis kanon nosentlaliskej.
¿Tiktlaxtlauaskej ijkuak tikalakiskej?
Ka.
¿Notlajtlani tomin?
Ka.Ipan itlanechikoluan iteixpantijkauan Jehová xkeman notlajtlani tomin.
¿Kenon noneki notlakentiskej akin yaskej?
Xnotlajtlani kenon noneki timotlakentis, san ika, iteixpantijkauan Jehová tikyejyekouaj totlakentiskej ken kinamiki, ijkon ken kijtoua Biblia (1 Timoteo 2:9). Xnoneki timotlakentis ika itlaj tlen melak patioj.
¿Tlenon nochiua ipan Conmemoración?
Kachtopa, tokuikatiaj se tlakuikajli niman se iteixpantijkauj Jehová kichiua se teoyotl. Sakin, nopanoltia se tlamachtijli kampa techijliaj tleka omik Jesús niman kenon techpaleuiya tlen okichiujkej toTajtsin niman Cristo. Ijkuak ontlami, oksejpa tokuikatiaj niman nochiua okse teoyotl.
Tla okseki tikneki tikmatis, xkita yejuin tlamachtijli “¿Tleka iteixpantijkauan Jehová xkilnamikij imikilis Cristo ijkon ken okseki religiones?”
¿Kemanon noilnamikis imikilis Cristo ipan okseki xiujtin?
2025: sábado 12 de abril.
2026: jueves 2 de abril.
Puede que también le interese
IMIKILIS JESUCRISTO
Matikilnamikikan imikilis Jesús
Timitsnotsaj touan xmosentlaliti ipan yejuin tlanechikojli tlen melak ueyi kijtosneki. Xmomachti kenon mitspaleuis inemilis niman imikilis Jesús.
ENSEÑANZAS IMPORTANTES DE LA BIBLIA
¿Tleka omik Jesús?
Uajmiktiuej melak miyekej tlaltikpakchanejkej. San ika, melak tlamantik ken omik se, ken Jesucristo omik. ¿Tleka ononek mamiki? ¿Itlaj ika otepaleui imikilis?