Ka. Iteixpantijkauan Jehová ticristianos, san ika, xtoteneuaj protestantes. ¿Tleka?

 Miyekej kijtouaj ika protestantismo kijtosneki akin kixnamikij tlaneltokijli Católica Romana. Iteixpantijkauan Jehová yemelak xtikseliaj tlen temachtia tlaneltokijli Católica, san ika, tejuamej xtoteneuaj protestantes ipampa yejuin:

1.   Miyekej tlaneltokiltin protestantes kixnamikij tlen melauak temachtia Biblia. Matikteneuakan yejuin, Biblia xtemachtia tla toTajtsin se Trinidad, kijtoua ika “san se [...] Dios” (1 Timoteo 2:5; Juan 14:28). Noijki, Biblia xtemachtia tla toTajtsin kintlajtlakolmaka akin xkuakualtin kampa tlajyouiskej ika tlitl, tlen kema kijtoua ika kinpopolos (Salmo 37:9; 2 Tesalonicenses 1:9).

2.   Tejuamej xtikyejyekouaj tikyektlaliskej tlaneltokijli Católica nion okse tlaneltokijli. Tiiteixpantijkauan Jehová titenojnotsaj kuajli tlajtoltin itech iTekiuajyo toTajtsin niman tochikauaj tikinpaleuiskej oksekimej matlaneltokakan itech yejon kuajli tlajtoltin (Mateo 24:14; 28:19, 20). Xtikyejyekouaj tikinyektlaliskej oksekimej tlaneltokiltin, tiknekij tikinmachtiskej tlaltikpakchanejkej tlen melauak itech toTajtsin niman iTlajtol (Colosenses 1:​9, 10; 2 Timoteo 2:​24, 25).