Iteixpantijkauan Jehová kinpaleuiyaj oksekimej makasikamatikan tlenon temachtia Biblia. Tla touan timomachtia Biblia mitspaleuis ipan yejuin:

•   Más tiyolpakis

•   Timouikas iuan toTajtsin

•   Tikmatis tlenon kijtoua Biblia nochiuas ika tlayekapan

Nikan tiknankiliskej yejuin:

•  ¿Kenon titemachtiaj itech Biblia?

•  ¿Nonekis itlaj niktlaxtlauas tla nechmachtiaj?

•  ¿Kech uejkaui se tlamachtijli?

•  ¿Kenon uelis nipeuas ninomachtis?

•  ¿Uelis san nikitas kenon temachtiaj?

•  Tla peua nechmachtiaj, ¿noneki ninochiuas iteixpantijkauj Jehová?

•  ¿Uelis ninomachtis ika Biblia tlen nikpiya?

•  ¿Uelis yakaj nouan nemis ijkuak nechmachtiskej?

•  Tla yeuejkaui nechmachtiayaj Biblia, ¿uelis oksejpa nechmachtiskej?

•  ¿Onka itlaj tlen nechpaleuis san noselti maninomachti Biblia?

 Akin mitsmachtis mitspaleuis ika yolik xkasikamatstiuj tlenon kijtoua Biblia. Niman ipan amatlajkuilojli ¡Nochipa uelis tiyolpakis!, tikasikamatis tlenon melauak temachtia Biblia niman kenijki yejon uelis mitspaleuis. Tla tejua tikneki tikitas kenon titemachtiaj, xkita yejuin video.

 Xtlaj tiktlaxtlauas. Iteixpantijkauan Jehová noijki ijkon kichiuaj ken Jesús okimijli inomachtijkauan: “Nemejuamej xikan tomin nenkiseliaj yejua in poder, yejua ika [...] maka xtecobrarokan” (Mateo 10:8). Niman noijki xtikintlaxtlauas amatlajkuiloltin tlen tikintekitiltiaj, ken se Biblia niman amatlajkuilojli ¡Nochipa uelis tiyolpakis!

 Se amoxtli kuajkui 60 tlamachtiltin. Miyekej nomachtiaj se tlamachtijli ipan se semana, san ika, tejua tikijtos kech tikneki timomachtis ipan se semana, tla san se noso ome.

1.  1. Xtemilti formulario tlen onka ipan Internet. Tlen ompa tiktlalis san tijkuiskej niman ijkon mitsontlajpalos se iteixpantijkauj Jehová.

2.  2. Akin mitsmachtis mitsonnotsas. Yejua mitsasikamachiltis kenon nochiua se tlamachtijli niman noijki mitsnankilis tlen tejua tikneki tikmatis.

3.  3. Tejua niman akin mitsmachtis nenkijtoskej kemanon niman kanon nemomachtiskej. mitsmachtiskej ika teléfono noso videollamada, niman noijki tejua tikijtos kech tiempo timomachtis, uelis yes se hora noso kech tejua tiknekis.

 Kema. Xtemilti formulario tlen onka ipan Internet niman ijkuak mitsonnotsas akin mitsmachtis, xkijli ika san sejpa tikneki timomachtis niman ijkon tikitas tla tikuelita. Kuakon mitsmakas folleto ¡Nochipa uelis tiyolpakis!, tlen san kipiya yeyi tlamachtiltin.

 Ka. Akin tiiteixpantijkauan Jehová techyolpaktia tikinmachtiskej oksekimej itech Biblia niman xtikinchiualtiaj manochiuakan iteixpantijkauan Jehová. San ika, kema kualtsin tikintomiliaj tlen Biblia temachtia niman tikinkauiliaj yejuamej makitlapejpenikan tlenon kineltokaskej (1 Pedro 3:15).

 Kema. Uelis tiktekitiltis maski san katlejua Biblia. Akin tiiteixpantijkauan Jehová tikuelitaj tiktekitiltiskej Traducción del Nuevo Mundo pampa melak kuajli onotlajtolkuep niman xouijtika nasikamati, san ika, oksekimej más kuelitaj kitekitiltiskej inBiblia tlen ika yonomatkej.

 Kema. Uelis ompa nemiskej mochanejkauan noso moamigos.

 Kema. Hasta más tikuelitas kenon timomachtis pampa yonopatlak ken titemachtiaj. Aman onka videos niman okseki tlemach tlen mitspaleuis más kuajli xmomachti Biblia.

 Kema. Maski miyekej kuelitaj yakaj makinmachtiti, oksekimej san inselti kinekij nomachtiskej. Tla tikneki san moselti timomachtis, xkita kampa kijtoua “tlen ika timomachtis Biblia”, ompa tiknextis seki tlen mitspaleuis kuajli xmomachti, ken yejuin:

•   Videos: Tlamachtiltin itech Biblia. Yejuin videos tlen xuejkauij, techmachtiaj seki tlemach itech Biblia.

•   Tlen miyekej notlajtoltiaj itech Biblia. Yejuin tlamachtiltin kinankilia tlen miyekej kinekij kimatiskej itech Biblia.

•   Textos bíblicos explicados. Xkita tlenon kijtosneki tlen noijtoua ipan seki textos tlen onokej ipan Biblia.